Bandièra01 capçalera  1180x150: Novestivada

Actualitats

Putin mobiliza 300 000 reservistas en pretendent que l’Occident vòl destruire Russia

Es lo primièr còp après la Segonda Guèrra Mondiala que Russia crida a la mobilizacion dels reservistas

Tèxte legit

Lo president rus, Vladimir Putin, parlèt ièr dimècres de matin als ciutadans dins un discors televisat per respondre a la contraofensiva ucraïnesa. Anoncièt una “mobilizacion parciala” de la populacion. Aital manda al combat 300 000 reservistas. A mai, poirà assignar a l’armada un budget pus grand per la mantenença del nòu personal militar e los besonhs associats.
 
Dins lo parladís, Putin diguèt que donariá tot son sosten als referendums d’annexion a la Federacion Russa que se tendràn aquesta dimenjada a Lugansk, Donetsk, Kherson e Zaporijjia. Se fin finala aqueles territòris devián far partida de Russia, Putin poiriá considerar las temptativas ucraïnesas de los recuperar coma un atac contra son territòri. “La liberacion de tot lo territòri de Donbass contunha d'èsser la tòca inamovibla de l’operacion”, çò diguèt.
 
 
Menaça nucleara contra l’Occident
 
Lo parladís de Putin èra tanben adreiçat a l’Occident, que l’acusa lo president rus d’aver entamenat una guèrra contra Russia e de sosténer Ucraïna dins aquela tòca. “Dins sa politica agressiva contra Russia, l’Occident a trespassat totas las linhas”, çò diguèt. A mai, afortiguèt qu'emplegariá “totes los mejans disponibles” e menacèt qual que faguèsse servir lo cantatge nuclear : “Emplegarem cèrtament totes los mejans a posita per protegir Russia e nòstre pòble”, çò afirmèt. “Aquò es pas d’esbrof”, çò precisèt.
 
Dimars, la Duma estatala aprovèt d’emendaments legislatius qu’anticipavan la mobilizacion dels reservistas. Los que serián cridats a combatre mas i anarián pas seràn punits de penas de preson. Seràn egalament castigats los soldats que refusarián de luchar o que se rendrián.


 
 


abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
4.

#3 L'informacion interessenta seriá de veire escrit *Potin(a?) en alfabet fonetic internacional, a partir de sa prononciacion nativa, russofòna, non ? Per ieu, *potir e *potin son omofòns.

  • 3
  • 1
Corto Maltese
3.

#2 Lo son "ou" se rend per "o" , pas per "u". Exactament coma per Raspoutine-Raspotina, Poutine s'escriu Poutino en grafia mistralenca e Potina en grafia alibertina. Putin es un catalanisme-espanholisme tan fantasieros en occitan que l'imprononçable "multitudinari" que n'a fach s'estraçar de rire mai d'un.

  • 6
  • 1
Puta, Poutine es Potina, pas Pütin ! I put in, you put in, he puts in..eca..
2.

Cars redactors barceloneses de Jornalet, al nòstre Poutine s'escriu e se prononça PO-TI-NA. Sustot pas Potin' (que seria a la parisenca o a la francimanda, Poutin') e encara mens "Putin" qu'en occitan (o en francès) legissem automaticament "Pütin".

  • 13
  • 3
Pitaluga
1.

En Russia, los vièlhs son per la guèrra, los joves pas tant.
Curiós, non ?

  • 16
  • 2

Escriu un comentari sus aqueste article