Bandièra01 capçalera  1180x150: Novestivada

Actualitats

L’occitan fa punk a l’Universitat de Tolosa - Joan Jaurés

A començat la primièra edicion d’un festenal que presenta fins al 21 d’octòbre lo vam de la cultura occitana contemporanèa

Tèxte legit

A començat la primièra edicion del festenal “L’occitan fa punk” a l’Universitat de Tolosa - Joan Jaurès, un eveniment que prepausa fins al 21 d’octòbre de concèrts, de projeccions, de sièstas electronicas, de charradas, d’espectacles de carrièra, d’obradors... e, de segur, de bal punk.
 
E mai la devisa del punk foguèsse “No Future”, lo festenal presenta la jove generacion de creators e d’artistas occitans e occitanofòns, eiretièrs d’una cultura tradicionala e portaires d’una energia culturala dobèrta e populara.
 
Lo Centre d’Iniciativas Artisticas del Miralh - la Fabrica aguèt l’idèa de crear un novèl festenal annadièr de tematica occitana e demandèt a Òsca, l’associacion d’estudiants d’occitan de l’Universitat Joan Jaurès, de lo coorganizar. Los membres d’Òsca tendràn un “Quartièr General”, dobèrt cada jorn entre miègjorn e doas oras, ont i aurà un cafè cultural, un espaci d’exposicion e lo ponch de creacion e distribucion del fanzine L’occitan fa punk imaginat per l’artista illustratritz tolosana Anne Desrivières.
 
Trobatz mai d’informacion e lo programa complet sus aqueste ligam.





abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Domergue Sumien Ais de Provença
7.

#6 Totei leis estils de musica populara e "joina", ara, an trenta o quaranta ans aumens. Dempuei leis ans 1990, i a pas agut d'estil musicau realament novèu que se pòsca notar.

Lo rap contunha d'èsser percebut coma una musica de "joines", e totun es nascut vèrs 1979, just après la naissença dau punk rock en 1976. La diferéncia d'edat es infima.

Coma o ditz Franc Bardòu, lo punk contunha d'èsser "joine", creatiu e animat per de generacions novèlas... es pas diferent dau rap. Per exemple, escotatz The Lindas Lindas: https://www.youtube.com/watch?v=J5AhU5Q7vH0

  • 14
  • 9
Franc Bardòu
6.

#5 Efectivament, lo movement artistic e politic punk data de 1976, de segur. Totun, non soi conveçut que siá clinicament mòrt : https://www.youtube.com/watch?v=3pDB_b6II1Y

Qu'es aquò, çò actual, se non los actes que pausam uèi, artisitics o autres ? Actual, es una causa, novèl, n'es un autre, mas la novetat per la novetat,menat fins a çò absurd, aquò pòt tuar l'art. Aqueles joves pausan un acte, non. Se nos pensam melhor qu'eles, i cal anar, e lor mostrar, mas los papets son alassats, me sembla…

  • 14
  • 6
Occitània Up to date ("a la pagina") No Future, papèt !
5.

#1 Lo mai gostos de l'afar es qu'aquel moviment artistico-musical englès que jà data de 45 ans (1977 !) sembla èsser per aquestes occitanistas lo nec pus ultrà de la modernitat. S'encreire d'una modernitat anciana que retarda de quaranta-e-cinc ans, d'efièch, aquo daissa somiaire...

  • 9
  • 18
cissonet occitània
4.

Lo punk es ben aquela musica que foguèt de mòda dins las annadas... setanta, es aquò ?
Amai aquì avem de Punk Floyd ;)
Vos desiri bon astre joves tolosans !

  • 3
  • 2
Quentin Tolosa
3.

M'agrada qu'i aja eveniments aital a l'universitat. Espèri que durarà dins lo temps.
Interpelar los francofòns en francés me sembla pas mal, cal ben dobrir la pòrta se volèm que lo monde dindren.

  • 27
  • 5

Escriu un comentari sus aqueste article