Bandièra01 1180x150: País Invisible

Actualitats

crotz-tolosaCreated with Sketch.GasconhaBearnPalés

Pau: ua jornada taus autors occitans

Lo cerc literari atau format qu’a perpausat pistas concretas tà valorizar la literatura nosta e tad anar mes lonh dens l’utilizacion deus actors e deus mejans de difusion

Fòto de la restitucion deu dusau talhèr “Quin ajudar los autors e las autoras?”
Fòto de la restitucion deu dusau talhèr “Quin ajudar los autors e las autoras?”

Tèxte legit

Dissabte 15 d’octobre, un grop d’autoras e d’autors d’expression occitana qu’estón reünits au tèrçlòc la Ciutat, a Pau, au parat d’ua jornada professionau organizada per las edicions Reclams e lo CIRDÒC - Institut Occitan de Cultura, suu tèma deus genres literaris. Au programa, trabalhs d’escritura e de reflexion arron la novèla literària e las atrunas de difusion deu libe occitan.
 
Atau, qu’estón presentats los resultats de l’enquèsta d’Hill Strategies de 2020: Que legissen las diferentas generacions? De mes, Evelina Faïsse, qu’expausèc lo son trabalh de recèrca sus la novèla, ua forma d’expression occitana desempuish 1970, enter realisme e fantastic.
 
Lo parat de brembà’s deus grans autors, de la diversitat deus tèmas qu’an causits e de las caracteristicas de la novèla en occitan. Lo cerc literari atau format qu’a perpausat pistas concretas tà valorizar la literatura nosta e tad anar mes lonh dens l’utilizacion deus actors e deus mejans de difusion, en emplegar tots los canaus qu’existissen uei. E tanben, qu’a descriut accions tad ajudar los autors e las autoras a melhorar las lors competéncias d’escritura e tà portar tà la lutz los escrivans navèths o las escrivanas navèras.
 
La jornada que s’acabèt dab la visita deu beròi esquipament de la Ciutat. De qué balhar hami aus organizaires de s’i tornar e de preparar un programa per las annadas que venguen, dab masterclass literàrias, escambis professionaus, hèitas, etc. De seguir!
 
 
 
 
Anne-Pierre, Françoise Darrées
 
 
abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Eric
4.

#3 totun, drin de bon sens! Règlas de gramatica que son establidas en lo bearnés emplegat en l'article. A qué serveishen los libes si cadun impausa las soas règlas???
La faiçon de parlar qu'ei ua causa, los localismes, etc. Mes lo bearnés qu'a tanben règlas, qu'ei ua lenga vertadèra. Aquiu qu'ei ua fauta en per'mor qu'ei la règla deu francés qui ei aplicada.

  • 7
  • 5
Franc Bardòu
3.

#2 Qui definís lo "bon gascon" ? De fòrmas localas de gascon, n'i a tan coma d'estelas pel cèl…

  • 2
  • 5
Lolo
2.

''deus tèmas qu’an causits'' ??? ''Causit'' dobleban malaja! Lo pronom neutre qu'anulla l'acòrd en bon gascon!!!!! Ah las edicions Reclams....

  • 15
  • 10
Jim
1.

N'i èran pas los autors editats en çò de Per Noste?

  • 16
  • 0

Escriu un comentari sus aqueste article