Bandièra01 capçalera  1180x150: Botiga

Actualitats

Ven de paréisser lo cinquen volum de l’Istòria de la cosina catalana e occitana

Aqueste volum es consagrat al merluç, a las carns e las tripas. Es previst que l’òbra comprenga dètz volums

Tèxte legit

Après lo succès dels primièrs quatre volums, es paregut ara lo cinquen volum de l’Istòria de la cosina catalana e occitana, aqueste còp consagrat al merluç, a la carn e las tripas. Es previst que l’òbra comprenga dètz volums e que siá completament acabada d’aicí a una desena d’ans. “Costarà una vida entièra, mas soi una persona fòrça pacienta”, çò declarèt l’autor, Vicent Marqués.
 
Nascut a Valéncia en 1950, Marqués es cosinièr e escrivan. A publicat de romans e de libres de cosina tradicionala. Fa aperaquí quaranta ans que comencèt la recèrca de donadas per escriure aquesta istòria de la cosina catalana e occitana que son quatren volum ven de sortir. Segon lo reputat cosinièr catalan Ferran Adrià, l’òbra es “una pèça d’art”.
 
Aqueste volum prepausa de centenats de monografias e de recèptas del merluç, de las carns e las tripas. L’autor nos fa, en 908 paginas, un percors istoric, filologic, literari e cultural de qualques plats que configuran lo còrpus de la cosina que partejam lo mond d’Occitània e dels Païses Catalans. Malgrat que l’òbra siá editada en catalan, Jornalet publica en occitan qualques unas de las melhoras recèptas de la cosina occitana, en ne fasent un pauc l’istòria.

Lo segond volum, consagrat als topins e als legums, obtenguèt lo prèmi Best of the World dels Gourmand World Cookbook Awards.
 
Bon apetís!

 

 
MARQUÉS, Vicent. Història de la cuina catalana i occitana (volum 5). Edicions Sidillà, 2022. 908 paginas. 35 èuros.



  

 
 
abonar los amics de Jornalet

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Vicent Marqués
3.

Mercés plan!

  • 4
  • 0
merluccius merluccius
2.

Bacallà = molua, bacalhau, estòcfish (gadus morhua), ce'm sembla.

Lo merluç es auta causa (merluccius merluccius, lluç en catalan), quitament si quauques dialèctes s'enganan o hèsen pas la diferéncia.

  • 0
  • 0
L\'Alan Carcassona
1.

Una obra remirabla e gostosa. Un polit present per Nadal !

  • 11
  • 0

Escriu un comentari sus aqueste article