Aprèp la tenguda de las Copas del Mond, l’International Rugby League a publicat lo classament de las nacions tretzistas, classament que s’apièja suls resultats dins las darrièras 4 sasons.
Cò dels òmes, Austràlia torna trapar logicament la primièra plaça qu’aviá daissada als Kiwis aprèp doas desfaitas dins qualques tèstes. Los finalistas samoans montan de la setena plaça a la tresena. Anglatèrra baissa de la tresena a la quatrena plaça e Tònga de la segonda a la cinquena. França se trapa novena: primièra de las nacions non qualificadas pels quarts de finala de la Copa del Mond.
Serbia, qu’èra pas a la Copa del Mond, se trapa en quinzena plaça davant Grècia (16a) e Escòcia (17a) que prenguèron part a la competicion.
51 nacions son classadas (Russia es suspenduda per ara). Dins aquesta tièra, se trapa la preséncia pel primièr còp de Kenya, Japon, Lo Salvador e Argentina.
Cò del classament femenin, pas de cambiament per las primièras 5 plaças: 1) Austràlia; 2) Nòva Zelanda; 3) Anglatèrra; 4) Papoa-Nòva Guinèa; 5) França. Las Illas Cook montan de l’onzena a la seisena plaça. Dins las 22 nacions classadas, apareisson Malta, las Filipinas e Argentina.
En XIII-cadieral, sonque 9 nacions de representadas. En ganhant la finala de la Copa del Mond, los angleses prenon la plaça de primièr als franceses. Itàlia, qu’a pas pres part a la competicion, lisa a la novena plaça.
Los Dragons Catalans preparan la sason novèla
Del costat dels Dragons Catalans, se parla de recrutar encara dos jogaires: un centre e un pilar. Cinc a sièis jogaires de la resèrva s’entraïnaràn amb los jogaires de Superliga. L’efectiu serà al complet a la debuta de genièr per finalizar la preparacion de la sason novèla.
Lo club poirà comptar sul sosten de novèls partenaris: un grop encargat d’energia: Joggin; una societat de materials de plombariá, asagatge e piscina: Sorodist; e una entrepresa catalana de crostilhetas: Frit Ravich.
Los Dragons lançaràn la sason 2023 amb una serada, reservada als abonats e als partenaris, al Palais dels Congrèsses de Perpinhan lo divendres 20 de genièr.
La formacion jogarà una partida amicala fàcia a una seleccion francesa dels jogaires d’Elèit 1 lo dissabte 4 de febrièr de vèspre a Brutus.
Gauta de pòrc al menut
Se los jogaires devon seguir qualques règlas dieteticas per melhor jogar, es pas necessàriament lo cas pels sostens. Abans lo dèrbi Carcassona-Lesinhan del dimenge 15 de genièr, los campions convidan los sostens e partenaris a un dinnar de tria jol tibanèl de Domèc. Al menut: ensalada landesa, gauta de pòrc en salsa Madèira, patanas sautadas, formatges, braç de Vènus amb pera William, lo vin e lo cafè. Se marcar al prèp del secretariat de Carcassona XIII (04.68.77.59.01).
Solidaritat tretzista
Los tretzistas doblidan pas jamai la solidaritat. Los jogaires, l’enquadrament e los benevòls de Tolosa XIII an pres part dins un supermercat a una collècta de manjar en favor de la Banca Alimentària.
E vos desiram a totas e totes una bona annada 2023 ont mancaretz pas d’anar veire fòrça partidas d’aquel espòrt encantarèl e plan enrasigat en tèrras d’òc: lo rugbi de XIII!
Alan Roch
Cò dels òmes, Austràlia torna trapar logicament la primièra plaça qu’aviá daissada als Kiwis aprèp doas desfaitas dins qualques tèstes. Los finalistas samoans montan de la setena plaça a la tresena. Anglatèrra baissa de la tresena a la quatrena plaça e Tònga de la segonda a la cinquena. França se trapa novena: primièra de las nacions non qualificadas pels quarts de finala de la Copa del Mond.
Serbia, qu’èra pas a la Copa del Mond, se trapa en quinzena plaça davant Grècia (16a) e Escòcia (17a) que prenguèron part a la competicion.
51 nacions son classadas (Russia es suspenduda per ara). Dins aquesta tièra, se trapa la preséncia pel primièr còp de Kenya, Japon, Lo Salvador e Argentina.
Cò del classament femenin, pas de cambiament per las primièras 5 plaças: 1) Austràlia; 2) Nòva Zelanda; 3) Anglatèrra; 4) Papoa-Nòva Guinèa; 5) França. Las Illas Cook montan de l’onzena a la seisena plaça. Dins las 22 nacions classadas, apareisson Malta, las Filipinas e Argentina.
En XIII-cadieral, sonque 9 nacions de representadas. En ganhant la finala de la Copa del Mond, los angleses prenon la plaça de primièr als franceses. Itàlia, qu’a pas pres part a la competicion, lisa a la novena plaça.
Los Dragons Catalans preparan la sason novèla
Del costat dels Dragons Catalans, se parla de recrutar encara dos jogaires: un centre e un pilar. Cinc a sièis jogaires de la resèrva s’entraïnaràn amb los jogaires de Superliga. L’efectiu serà al complet a la debuta de genièr per finalizar la preparacion de la sason novèla.
Lo club poirà comptar sul sosten de novèls partenaris: un grop encargat d’energia: Joggin; una societat de materials de plombariá, asagatge e piscina: Sorodist; e una entrepresa catalana de crostilhetas: Frit Ravich.
Los Dragons lançaràn la sason 2023 amb una serada, reservada als abonats e als partenaris, al Palais dels Congrèsses de Perpinhan lo divendres 20 de genièr.
La formacion jogarà una partida amicala fàcia a una seleccion francesa dels jogaires d’Elèit 1 lo dissabte 4 de febrièr de vèspre a Brutus.
Gauta de pòrc al menut
Se los jogaires devon seguir qualques règlas dieteticas per melhor jogar, es pas necessàriament lo cas pels sostens. Abans lo dèrbi Carcassona-Lesinhan del dimenge 15 de genièr, los campions convidan los sostens e partenaris a un dinnar de tria jol tibanèl de Domèc. Al menut: ensalada landesa, gauta de pòrc en salsa Madèira, patanas sautadas, formatges, braç de Vènus amb pera William, lo vin e lo cafè. Se marcar al prèp del secretariat de Carcassona XIII (04.68.77.59.01).
Solidaritat tretzista
Los tretzistas doblidan pas jamai la solidaritat. Los jogaires, l’enquadrament e los benevòls de Tolosa XIII an pres part dins un supermercat a una collècta de manjar en favor de la Banca Alimentària.
E vos desiram a totas e totes una bona annada 2023 ont mancaretz pas d’anar veire fòrça partidas d’aquel espòrt encantarèl e plan enrasigat en tèrras d’òc: lo rugbi de XIII!
Alan Roch
Fasètz coma l’Òme Nadal: jogatz a XIIIA very Merry Christmas to everyone in the #RugbyLeague family celebrating today! pic.twitter.com/rB0UiSXtky
— Rugby Football League (@TheRFL) December 25, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari