Actualitats
Moscòu auriá pagat 300 000 èuros a Sarkozy en 2018 per far un discors que lausava Putin
Convidat a la fin de 2018 pel principal fons sobeiran de Russia a participar a una vesprada, Sarkozy vantèt los merits de Putin. Auriá recebut l’argent d’una societat restacada a aquel fons
Tèxte legit
Nicolas Sarkozy auriá recebut 300 000 èuros del Kremlin après glorificar Vladimir Putin dins una conferéncia a la fin de 2018 a Moscòu, segon una enquista publicada dimècres passat per Mediapart.
L’enquista es entitolada “Nicolas Sarkozy, las lausenjas a Putin e la pista de l'argent del Kremlin” e rapòrta que l’èx-president francés foguèt convidat pel Fons Rus d’Investiment Dirècte a una vesprada a Moscòu lo 22 de novembre de 2018. Davant los convidats, Nicolas Sarkozy montèt a la tribuna e faguèt un parladís que fasiá l’elògi de Putin. Lo parladís se faguèt en francès amb un servici de traduccion devèrs lo rus. De soslinhar qualques frasas coma: “Soi totjorn estat un amic de Vladimir Putin”; “El es un òme amb qui se pòt parlar, e mai quand i a de desacòrdis”; “Russia es tornada venir una poténcia mondiala. Es sa plaça, es son ròtle istoric, es son destin”.
Aquela informacion, Mediapart la completa en consultant de documents bancaris dels comptes parisencs de Sarkozy, çò que fa veire dos transferiments d'una societat apelada RS Capital Limited. Un virament se faguèt abans lo parladís, lo 4 d’octòbre de 2018, per una valor de 200 000 èuros. Lo segond arribèt apuèi, lo 28 de febrièr de 2019, per un montant de 100 000 èuros. Lo Fons Rus d’Investiment Dirècte que convidèt Sarkozy a la serada pertocada ten una filiala discreta als Emirats Arabis Units nomenada precisament RS Capital Limited, çò completa l’enquista de Mediapart.
L’enquista es entitolada “Nicolas Sarkozy, las lausenjas a Putin e la pista de l'argent del Kremlin” e rapòrta que l’èx-president francés foguèt convidat pel Fons Rus d’Investiment Dirècte a una vesprada a Moscòu lo 22 de novembre de 2018. Davant los convidats, Nicolas Sarkozy montèt a la tribuna e faguèt un parladís que fasiá l’elògi de Putin. Lo parladís se faguèt en francès amb un servici de traduccion devèrs lo rus. De soslinhar qualques frasas coma: “Soi totjorn estat un amic de Vladimir Putin”; “El es un òme amb qui se pòt parlar, e mai quand i a de desacòrdis”; “Russia es tornada venir una poténcia mondiala. Es sa plaça, es son ròtle istoric, es son destin”.
Aquela informacion, Mediapart la completa en consultant de documents bancaris dels comptes parisencs de Sarkozy, çò que fa veire dos transferiments d'una societat apelada RS Capital Limited. Un virament se faguèt abans lo parladís, lo 4 d’octòbre de 2018, per una valor de 200 000 èuros. Lo segond arribèt apuèi, lo 28 de febrièr de 2019, per un montant de 100 000 èuros. Lo Fons Rus d’Investiment Dirècte que convidèt Sarkozy a la serada pertocada ten una filiala discreta als Emirats Arabis Units nomenada precisament RS Capital Limited, çò completa l’enquista de Mediapart.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 lo pagament... Amnistia o quicòm aital...
Sarkozy, lo conselhièr de Macron... E se far pagar per aquò tanben ?
La guerra acabarà en un resultat intermedi entre una victòria total ucraïnesa i una victòria total russa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari