Bandièra01 capçalera  1180x150: Novestivada

Actualitats

Jamai èrem pas estats tan pròches d’un desastre mondial

Lo Doomsday Clock o Relòtge de la Fin del Mond es a la posicion pus perilhosa de l’istòria

| Bulletin of the Atomic Scientists

Tèxte legit

Lo nomenat Doomsday Clock o Relòtge de la Fin del Mond es a la posicion pus perilhosa de l’istòria. Dempuèi lo 24 de genièr passat, lo relòtge indica que manca nonanta segondas abans mièjanuèch.
 
Aquel relòtge es una iniciativa de The Bulletin of the Atomic Scientists. Lo creèron en 1947 après los atacs amb de bombas atomicas sus Hiroshima e Nagasaki. Las agulhas del relòtge indican quant de temps manca abans mièjanuèch, una ora que simboliza lo començament d’una guèrra nucleara.
 
Los scientifics que fan partida del comitat encargat d’indicar aquela ora asseguran que lo contèxt istoric actual es un moment de perilh sens precedent, e o an anonciat dins la vila de Washington en anglés, ucraïnés e rus, coma allusion transparenta al conflicte d’Ucraïna.
 
 



abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
3.

L'umanitat es pas jamai estada tan pròcha de l'anientiment, que siá pel degalhament exprèss del mitan de vida o las tensions geopoliticoatomicas extrèmas.
Per veire dels dos qui ganha la corsa.

  • 1
  • 0
Alan Sibé
2.

Per segur desastre mondiau e istoric tàr imperialisme american, britanis e europèu., desastre militar, economic, financièr, politic e diplomatic. Un aute monde qu'ei vadut ja!

  • 4
  • 0
Nostradamus Bugarach-Vaticano-Uranus
1.

"La fin dels temps" " Lo mond es giblat uèi" "Sem venguts als darrièrs" e patin-cofin. Tojorn la mèsma ressega dempuèi pus de 3000 ans. E aquesta vegada, exactament coma la darrièra (aquesta de Bugarach, cresi) serà la bona, vertat ? Repentatz-vos, pecaires !

  • 14
  • 6

Escriu un comentari sus aqueste article