Bandièra01 capçalera  1180x150: Novestivada

Actualitats

Zelenski critica lo dialòg entre Macron e Putin

“Pèrd son temps en volent cambiar l’actitud de Russia”, çò a dich dins una entrevista al Corriere della Sera

| ZUMA PRESS/MAXPPP

Tèxte legit

Lo president ucraïnés Volodimir Zelenski pensa que “Macron pèrd son temps en volent cambiar l’actitud de Russia”. Dins una entrevista publicada pel quotidian italian Corriere della Sera, Zelenski critica la posicion del president francés envèrs Vladimir Putin. Segon Zelenski, "seriá un dialòg inutil”; lo president ucrainés ditz qu’el es “arribat a la conclusion que sèm pas en mesura de cambiar l'actitud russa”.
 
Mas segon Emmanuel Macron Russia deuriá tornar “a la taula de las negociacions”. Dins Le Journal du Dimanche de dimenge passat disiá “qu’espotir Russia es pas jamai estada la posicion de França”.
 
En seguida d’aquò, Macron a conversat al telefòn amb Zelenski en reafirmant son “estacament al plan de patz en dètz ponches” prepausat pel quite Zelenski, e a assegurat a son omològ ucraïnés que sostendriá “aquela iniciativa sus la scèna internacionala pendent los eveniments diplomatics venents”, çò rapòrta l'Elisi.
 
 
Bona sintonia amb Meloni
 
Quant a las relacions politicas amb Itàlia, Zelenski merceja lo país d’aver causit de li mandar d’armas e es content que Meloni sostenga la causa ucraïnesa; e mai los dos estreches aliats de la primièra ministra, Silvio Berlusconi e Matteo Salvini, amaguen pas lors simpatias envèrs Putin. Zelenski assegura que “Giorgia [Meloni] es una femna fòrta que pòt manténer compacte son govèrn”.



abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Farda lorda
4.

Son cresérels çaquelà lo mond a l’aurièra de caire en pascor.

Me demandavi quant d’argent aviá estat balhat a Ucraina, bel polits uèlhs de la prinça, de segur.
Per o saber cal picar sul ligam çai jos

https://www.lemonde.fr/les-decodeurs/article/2022/12/21/quels-sont-les-pays-qui-ont-le-plus-aide-l-ukraine-financierement-depuis-le-debut-de-la-guerre_6126677_4355774.html

Los Estats-Unids an balhat gaireben 49 Milhards d’euros, e tot aquel argent sens cap de contrapartida, sens degun que capdela aquel projecte 49 Milhards atal, es remirable !

Nos podèm que mercejar grandament los Estats-Unids, pensatz 49 milhards aqui sus la taula sens contrapartida.

Al cap d’una pessa de temps te far chifrar e soscar çaquelà…

Visca los Estats-Unids

  • 0
  • 0
Farda lorda
3.

Auèi lo Potin ça diguèc que participava pus al pàti New Start sul redusiment de las armas nuclearis e que se teniá drés per de tests d’armas nuclaris.

Mentre aquel temps lo chinchon nòstre al piel ondat a prometut carris leugièrs a ucraina e atanben carris d’assalt (del tip Leclerc), coma de costuma, prenem sul fondegue nòstre n’avèm 200 d’operacionals sus 400 recebuts per l’armada en 2000.

Acabarèm a calòs

  • 4
  • 0
Pitaluga
2.

Se Zelinski comptèsse sul Macronet se retrobariá cocut coma los franceses qu'a votat aquel estafièr. Mas Zelinski a un cervèl, pas coma los badalunas qu'an votat pel gendre ideal, que son cocuts e contents d'o èsser.

  • 12
  • 0
Farda lorda
1.

Zelenski Mariòta de la CIA ?

Macron Mariòta dels mercats financièrs ?

Ambe 3000 Milhards de deute que devèrs (se sap pas, o mailèu se dis pas) 48% es detengut a l'estrangièr es pas tu que causisas lo trauc ont vas passar !

  • 2
  • 8

Escriu un comentari sus aqueste article