Bandièra01 capçalera  1180x150: Novestivada

Actualitats

Publicats de documents secrets estatunidencs que revèlan d’informacions nòvas sus la guèrra en Ucraïna

S’es dobèrta una enquista per avalorar la repercussion qu’aqueles documents pòdon aver sus la seguretat dels Estats Units e sas relacions internacionalas

Tèxte legit

Lo Departament de la Justícia dels Estats Units a dobèrt una enquista a prepaus de la publicacion suls rets socials de documents secrets del Pentagòn que revèlan d’informacions nòvas sus l’estat de la guèrra en Ucraïna e fins a quin ponch los Estats Units espionan l’armada e l’intelligéncia russas e tanben las ucraïnesas. Segon la sossecretària de premsa del Pentagòn, Sabrina Singh, “s’es fach un esfòrç interinstitucional centrat sus avalorar l’impacte qu’aqueles documents pòdon aver sus la seguretat nacionala dels Estats Units e sus nòstres aliats e sòcis”.
 
Los documents en question mòstran una avaloracion plan negativa de la fòrça militara de Moscòu mas tanben una situacion plan malaisida per l’armada ucraïnesa. Atanben contenon d’avertiments quotidians en temps real a las agéncias d’intelligéncia estatsunidencas sul moment dels atacs de l’armada russa e quitament suls objectius especifics. Aquò demòstra que los Estats Units an pogut transmetre a Ucraïna una informacion cruciala per se defendre.
 
En mai d’aquò, los documents tanben demòstran que los Estats Units espien los caps militars e politics d’Ucraïna, e d’autres aliats importants, coma Israèl e la Corèa del Sud. Los documents an complicat las relacions amb aqueles païses aliats e, a mai, an mes en question la capacitat dels Estats Units de manténer lors secrets.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lo mond destimborlat
4.

Tè, l'an trapat lo colpable, es quita pas un rus, es un american jovenet, lo traïdor ! Un dich Jack Teixeira, que trabalha per l'armada americana ! Benlèu que s'a lo gaubi de far coma lo Bradley Manning en se mudant de Jack en "Jackie", farà sonque un an o dos de preson ? Ah, l'America a pas fenit de nos espantar !

  • 3
  • 0
Très Riches Heures du Père Lait-Chaud
3.

#1#2 Lo Lait-Chaud Pierre es acabat. Demòra mas per los Supermercats-Units la batalha mediatica. L'economia de l'Espiçariá s'es renforçada dau temps qu'aquela de la Bocariá e daus Supermercats-Units se degrada. Belcòp de comèrcis montanhòls, mesme de labèl biò achaptan dau gaz a Russia e se son demarcats de la politica de Nutella.

  • 6
  • 0
Lachaud Pierre
2.

La guerra en Ukraina es acabada. Demòra mas per los Estats-Unis la batalha mediatica.
L'economia de Russia s'es renforçada dau temps qu'aquela de l'Euròpe e daus Estats-Unis se degrada. . Belcòp de pais europens, mesme França achaptan dau gaz a Russia e se son demarcats de la politica de Biden.

  • 1
  • 11
Lachaud Pierre
1.

La guerra en Ukraina es acabada. Demòra mas per los Estats-Unis la batalha mediatica.
L'economia de Russia s'es renforçada dau temps qu'aquela de l'Euròpe e daus Estats-Unis se degrada. . Belcòp de pais europens, mesme França achaptan dau gaz a Russia e se son demarcats de la politica de Biden.

  • 1
  • 10

Escriu un comentari sus aqueste article