Bandièra01 capçalera  1180x150: Novestivada

Actualitats

I a ja mila volontaris per colonizar Mart e i demorar per totjorn

| Alter
Lo projècte de colonizar Mart a començat. Ja i a mila eventuals futurs abitants de la Planeta Roja, e lo tèrme per s’inscriure es encara dobèrt sul sit web del projècte, ont se pòt veire las personas dispausadas a entreprene aquel viatge espacial e demorar per totjorn sus Mart.
 
L’idèa es venguda de la fondacion olandesa Mars One, qu’elegirà las primèras 24 personas que colonizaràn la planeta. Los participants sabon clar que i demoraràn per totjorn, perque i a pas la possibilitat de viatge de retorn.
 
L’entrepresa vòl bastir, en dètz ans, una colònia abitabla e durabla, dessenhada per recebre quatre nòus astronautas cada dos ans. Lo còst del primièr viatge serà de 6 miliards de dolars e cada viatge posterior, de 4 miliards. “L’idèa es de finançar lo gròs del projècte amb la venda dels dreches de transmission d’un reality show que ja començarà de s’emetre pendent l’estapa de seleccion”, çò dison en cò de Mars One.
 
Per èsser viabla, l’energia de l’establiment de Mart serà produsida per de panèls solars. La font d’energia serà un airal de 3000 m². Mart es mai luènh del Solelh que de la Tèrra, mas a una atmosfèra mai fina, çò que compensa la pèrda de radiacion.


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

BOURDON Pau
1.

Meilèu eths que jo !

Autament, que caleré dar un estatut juridic a Mart, ne'm sembla pas normau qu'ua enterpresa privada e i posca méter en plaça un projècte shens ne referir ad arrés.

  • 2
  • 0

Escriu un comentari sus aqueste article