Bandièra01 1180x150: País Invisible

Actualitats

crotz-tolosaCreated with Sketch.ProvençaProvençaVencenc

Canas: las accions de protèsta que capitan a se manifestar

Ongan an enebit las accions de protèsta a causa del clima social estatal après la reforma de las retiradas

Tèxte legit

La vila de Canas a enebit las accions de protèsta davant lo Palais del Cinèma e sus la passejada de la Croseta, dins l’encastre del 76n Festival Internacional del Cinèma e a causa de las nombrosas accions que se tenon dins tot l’estat francés contra la reforma de las retiradas e lo biais de l’aver impausada. Pasmens, d’activistas an pogut esquivar los contraròtles de seguretat e menar a bon tèrme d’accions revendicativas.

 

Se tacar de sang per Ucraïna

 

La blogaira ucrainesa Ilona Chernobai se passegèt sul conegut tapís roge abilhada amb un vestit de gala de las colors del drapèl d’Ucraïna. Tanlèu començar de pojar los escalièrs sortiguèt doas sacas de pintura roja qu’amagava al pitral e se l'aboquèt dessús en simulant qu’èra tota tacada de sang. Los gàrdias de seguretat la menèron sul pic, mas l’accion, que se passèt just abans lo filme Acide de Just Philippot, virèt suls rets socials.

Pus tard, Chernobai contèt sus Instagram que lo moment foguèt “esglasiant” mas qu' “ aviá profechat de l’escasença” per “remembrar amb aquela accion çò que se passa en Ucraïna”.

 

Contra la reforma de las retiradas

 

Fa una setmana, i aguèt dins la vila una manifestacion del sindicat CGT contra la reforma de las retiradas. Lo cortègi se desplacèt per las carrièras de Canas fins a la pòrta de l’emblematica ostalariá Carlton.

 

Contra la maternitat de substitucion

 

Dos jorns abans, una activista de l’associacion feminista radicala SCUM, qu’es prens, arribèt tanben amb un vestit de gala fins als escalièrs del tapís roge, davant lo Palais del Cinèma. La femna portava una rauba roja dobèrta al ventre ont èra escrich un messatge contra la maternitat de substitucion.

 

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article