Bandièra01 capçalera  1180x150: Novestivada

Actualitats

La destruccion de la restanca de Nòva Kakhovka, un crime de guèrra que ne coneissèm pas l’autor

Ucraïna acusa Russia d’aver atacat aquela infrastructura, mas lo Kremlin ditz l’invèrs

L'ostal de la cultura de Nòva Kakhovka
L'ostal de la cultura de Nòva Kakhovka | Reuters/Tass/Alexey Konovalov

Tèxte legit

La destruccion de la restanca de Nòva Kakhovka, en Ucraïna, es en primièra pagina de la majoritat dels mèdias. Aquel fach, considerat coma un crime de guèrra, a provocat una catastròfa sus la region de las bocas del Dnièpre. S’agís de la darrièra restanca de totas las que contraròtlan lo flux del flume, la mai pròcha de la mar. Es un barratge de 3 quilomètres de longor qu'amassava una quantitat d'aiga enòrma sus un lac long de 240 quilomètres. La zòna inondada a afectat aperaquí 42 000 personas que son o seràn lèu evacuadas. La region venguda de tot en tot inondada es la ont los analistas imaginavan que l’armada ucraïnesa desplegariá sa contraofensiva ongan.

La destruccion de la sèrva pòt daissar Crimea sens ges d’aiga potabla e pòt empachar lo foncionament de la centrala nucleara de Zaporizhzhia qu’aurà pas pus d’aiga per refrigerar sos reactors.

Ucraïna acusa Russia d’aver atacat aquela infrastructura, mas lo Kremlin ditz l’invèrs, que son de missils ucraïneses que l’an destrucha. D’especialistas internacionals ne fan diferentas interpretacions, que lo desastre poiriá beneficiar a Zelenski o ben a Putin. Es malaürosament possible que demorem longtemps sens saber qui a fach espetar la restanca, mentre qu’una centena de vilas començan d’èsser negadas jos las aigas e que lo desastre ecologic es de primièr nivèl.

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

LECLERCQ Joan-Marc
1.

Èi ausit un especialista d'estrategia militara a la ràdio que disèva qu'aquò servissèva pas militàriament a degun e que, benlèu, pensava a una rompadura devuda a nafraduras causadas i a temps dejà. Una possibilitat tanben.

  • 4
  • 1

Escriu un comentari sus aqueste article