Bandièra01 1180x150: Comuna de Tolosa

Actualitats

“La Passejada”: una vesita guidada e comentada de Peireguers en occitan

l’ofici de torisme de Peireguers prepausa, amb la collaboracion de Novelum – Institut d’Estudis Occitans de Peiregòrd, una vesita guidada del sector salvagardat de la vila anciana

“La Passejada”: una visita guidada e comentada de Periguers en occitan
“La Passejada”: una visita guidada e comentada de Periguers en occitan

Tèxte legit

Per aqueste estiu, l’ofici de torisme de Peireguers prepausa, amb la collaboracion de Novelum – Institut d’Estudis Occitans de Peiregòrd, una vesita guidada del sector salvagardat de la vila anciana que presentarà dins lo detalh lo passat e la modernitat de l’identitat occitana de la vila.

Al menut: una caminada per las carrièras del borg medieval del Puèg Sant Front, amb un esclairatge suls noms de las carrièras, la memòria e l’identitat de las “quartieras”. Per los que mestrejan pas la lenga, la vesita serà bilingua en occitan e francés.

Quatre passejadas son previstas:

  • lo 23 de junh de 15h a 16h30
  • lo 23 de julhet de 15h a 16h30
  • lo 4 d’agost de 15h a 16h30
  • lo 10 de setembre de 15h a 16h30

Despart de la caminada al 9bis plaça del Coderc davant l’Ofici del Torisme. La vesita serà menada per Joan-Loís Leveque, fin coneisseire de l’istòria de la capitala de Peiregòrd e vicepresident de Novelum.

Vos podètz inscriure en seguent aqueste ligam. Lo prètz de la vesita es de 7 èuros o 5 pels que benefícian d’una tarifa reducha.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article