Bandièra01 1180x150: Comuna de Tolosa

Actualitats

The Guardian soslinha la vitalitat de la musica occitana e son ròtle per la preservacion de la lenga

L’article met en valor lo ròtle clau dels musicians pel mantenement e per la revitalizacion d’una lenga que patís una pression sevèra dempuèi la revolucion francesa de 1789

<em>The Guardian</em> soslinha la vitalitat de la musica occitana e son ròtle en la preservacion de la lenga
The Guardian soslinha la vitalitat de la musica occitana e son ròtle en la preservacion de la lenga

Tèxte legit

Lo prestigiós jornal anglés The Guardian a publicat recentament un exaustiu reportatge que soslinha la vibranta scèna musicala occitana e sa contribucion a la preservacion de la lenga. Jol títol “Lo nòstre govèrn o vei polit mas sens importància: los musicians mantenon viva la lenga occitana de França”, l’article met en valor lo ròtle clau dels musicians  pel “ mantenement e per la revitalizacion d’una lenga que patís una pression sevèra dempuèi la revolucion francesa de 1789”.

Dins aquel reportatge, se mençona de noms famoses coma Massilia Sound System, Cocanha, Brama, Moussu T e plan d’autres que fan partida de la scèna musicala occitana, e se soslinha la persisténcia de la lenga malgrat las politicas que dempuèi de sègles ensajan de l’eliminar en universalizant solament l’usatge del francés.

“Quand la revolucion francesa de 1789 creèt la primièra republica francesa, lo govèrn impausèt una interpretacion clara de l’identitat francesa que compreniá pas las lengas e las culturas regionalas”, çò ditz l’article. “Ara, l’occitan impulsa una scèna musicala europèa animada e politica, en demostrant qu’aquela lenga es pas solament viva, mas tanben una font d’inspiracion artistica”.

L’article met l’accent sus l’importància de la musica coma veïcul per transmetre la cultura e l’identitat occitanas, e met en evidéncia que, malgrat que siá percebuda coma “cool” pel govèrn central, es totun mespresada e recep pas lo sosten que meritariá.

En mai d’aquò, lo reportatge remarca tanplan la contribucion de la musica occitana a la diversitat culturala europèa.

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
2.

L’article met l’accent sus l’importància de la musica coma veïcul per transmetre la cultura e l’identitat occitanas, e met en evidéncia que, malgrat que siá percebuda coma “cool” pel govèrn central, es totun mespresada e recep pas lo sosten que meritariá. Imaginatz seriosament un Bonaparte, un Juli Caesar, un Hitler que, agents ganhadas son fotudas que malditas guèrras, se seriá, a la seguida, complaguts a divisir lor empèri de conquistas en aitant de païses autonòmes e independents autogerits, a autolegiferits, autofinanciats, en foncion de la diversitat linguistica encontrada suls camins de la devastacion guerrièra aital mesa en plaça ? França non es un país, ni mai non o es Espanha : son d'empèris, de sistèmis geopolitics de dominacions dels militarament mai febles per unes militarament mai fòrts, ni mai, ni mens. Tot çò mai son de parlicadas e de romans nacionalistas…

  • 4
  • 2
L'Alan Carcassona
1.

De legir : la rubrica Musique en p. 26 del Monde Diplomatique d'aqueste mes de julh : « Le biniou et la techno » ont se parla de Pagans, Super-Parquet, La Nòvia,…

  • 6
  • 0

Escriu un comentari sus aqueste article