Bandièra01 capçalera  1180x150: Novestivada

Actualitats

Recòrd de vòte per corrièr a las eleccions espanhòlas

Aperaquí 2,6 milions de personas an sollicitat lo vòte postal per las eleccions legislativas que se tendràn dimenge que ven

Tèxte legit

Dimenge venent, 23 de julhet, auràn luòc las eleccions legislativas anticipadas dins l’estat espanhòl. Aqueste còp, las demandas de vòte postal an batut un recòrd. Aperaquí 2,6 milions de personas l’an sollicitat, un nombre qu’es mai del doble de las demandas que se faguèron per la votacion de 2019, quand arribèt pas al milion de personas. L’anterior recòrd s’èra atench a las eleccions de 2016, amb gaireben 1,4 milion de ciutadans que votèron per la pòsta. La donada l’a transmesa la societat postala espanhòlaa l’endeman de clavar lo tèrme per s’inscriure al vòte postal.

Lo primièr ministre espanhòl, Pedro Sánchez, anoncièt a la fin de mai qu'avançava las eleccions espanhòlas al 23 de julhet, en seguida de la desbranda del Partit Socialista (PSÒE) a las eleccions municipalas e regionalas del 28 de mai passat. Las eleccions èran previstas per la fin de l’annada.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article