Bandièra01 capçalera  1180x150: Novestivada

Actualitats

França e Alemanha fornisson totjorn las centralas nuclearas russas

Greenpeace denóncia aquel comèrci nuclear amb Russia en plena guèrra en Ucraïna, en qualificant lo sosten tecnic a Rosatom d’escandalós

Tèxte legit

Las ONG Greenpeace França e Greenpeace Alemanha publiquèron un rapòrt lo 18 de julhet en revelant que la societat francesa Framatome, filiala d'EDF, e l’alemanda Siemens Energy contunhan de fornir de tecnologias e de saber-far a l'entrepresa publica nucleara russa Rosatom. Framatome auriá conclús de contractes amb Rosatom per provesir de centralas nuclearas russas amb de sistèmas de contraròtle-comandae modernizar los reactors existents. Aquelas liurasons pertòcan tot parièr los projèctes de Rosatom a l'estrange, sustot en Ongria e en Turquia, çò rapòrta Reporterre.

Greenpeace denóncia aquel comèrci nuclear amb Russia en plena guèrra en Ucraïna, en qualificant lo sosten tecnic a Rosatom d'escandalós. En març, Greenpeace França aviá ja denonciat lo triplament de las importacions francesas d'urani enriquit en provenença de Russia en 2022.

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article