Resultat fòrça estrech entre lo Partit Popular (PP) e lo Partit Socialista (PSÒE) a las eleccions legislativas en Espanha. E mai lo nombre de vòtes siá fòrça pròche, lo PP auriá qualques deputats de mai mas poiriá pas  governar amb lo sosten de l’extrèma drecha de Vox, que se manten coma tresena fòrça mas pèrd gaireben la mitat de sos deputats. De son caire, lo PSÒE deurà negociar amb los independentistas catalans e bascos se vòl obténer lo govèrn car auriá pas pro d’elegits amb lo sosten de Sumar (Addicionar), la fòrça esquerrista qu’a suplantat Podèm e se presentava coma cròssa dels socialistas.

Abstencion fòrça nauta en Catalonha

De soslinhar la davalada de la participacion en Catalonha, ont es tombada d’11 ponches percentuals, çò qu’a fach descendre de 4 ponches la participacion dins tot l’estat. La campanha activa per l’abstencion de part de qualques sectors independentistas a ben capitat se prenèm en compte que l’abstencion es pus nauta dins los airals ont lo vòte independentista es normalament pus elevat. ÈRC, al govèrn de la region espanhòla, es la fòrça independentista que pèrd mai de sufragis. La CUP a perdut los dos deputats qu’aviá a Madrid. Lo PSÒE ven en Catalonha lo partit mai votat, que s’es servit de l’espaventalh de l’extrèma drecha per reüssir.

Pojada de Bildu en Bascoat

L’esquèrra independentista basca de Bildu ganha un deputat e n’auriá 6, en despassant lo Partit Nacionalista Basco de centredrecha (EAJ-PNV).

Caldrà seguir las negociacions per veire qui capitarà a formar un govèrn dins l’estat espanhòl.

Podètz consultar los resultats definitius sul sit del Ministèri de l’Interior.

El 2016 i el 2019 ja es van haver de repetir les eleccions generals al cap d’uns mesos davant la incapacitat dels partits d’arribar a un acord i investir presidenthttps://t.co/wLuDzG5Keu

— 324.cat (@324cat) July 23, 2023

Ara mateix:
🟡ERC perd 417 mil vots (47%)
🟢Junts perd 141 mil vots (26%)
⚫️CUP 148 mil vots (60%)
En total perden 707 mil vots (43%)

— Josep Costa (@josepcosta) July 23, 2023