A qualques jorns de la rintrada escolara, lo ministre francés de l’educacion, Gabriel Attal, a anonciat dins una entrevista sus TF1 que va enebir lo pòrt de l’abaia, una mesura qu’afectarà los establiments publics d’Occitània, franc d’Aran e de las Valadas.

“La laïcitat es una libertat de s'emancipar per l'escòla”, çò diguèt lo ministre en tot assegurar que “dins una sala de classa degun deu pas èsser capable d’identificar la religion de cadun en los agachant”. Just après sa nominacion a la fin de julhet, Attal aviá jutjat que lo pòrt d’aquel mantèl tradicional èra “un gèst religiós, qu’a per tòca de testar la resisténcia de la Republica sul santuari laïc que deu constituir l'escòla”.

L’abaia es un vestit tradicional de las femnas de l’Orient Mejan. Se tracta d’un mantèl larg e leugièr, generalament negre, que cobrís pas lo cap e que tradicionalamet s’emplegava per combatre la calor.

L’estat francés enebiguèt l’usatge dels cairats islamics dins las escòlas publicas en 2004. En 2010, proïbiguèt lo niqab, lo vel que cobrís tota la cara, dins los luòcs publics coma las carrièras, los pargues, las bastissas administrativas e los transpòrts en comun.

Las modalitats d’aplicacion concreta de l’interdiccion de l’abaia son pas encara definidas, e lo ministre ditz de las voler precisar als caps d’establiments escolars per la setmana venenta, mentre que los escolans de l’estat francés tornan en classa lo diluns 4 de setembre.

L’éducation nationale se meurt
Les élèves se suicident
Les gamins sont harcelés à l’école
Les professeurs sont sous-payés
Les établissements sont délabrés

Mais Gabriel Attal annonce l’interdiction de l’abaya

Taper sur les musulmans, doctrine macronistepic.twitter.com/P4E2FWXheZ

— Brahim (@Brams_brabra) August 27, 2023

🔴 Le vêtement couvrant traditionnel au Moyen-Orient ne sera plus autoriséhttps://t.co/GEi1YebF1B

— Libération (@libe) August 27, 2023