Bandièra01 capçalera  1180x150: Novestivada

Actualitats

Eth gat putz a tornat en Aran 50 ans dempús

An constatat era preséncia d’aquera espècia despareishuda enes ans 1960

Aguesta trobalha encoratge es esfòrci deth projècte TuroCat, ua iniciatiua de diuèrses administracions e collectius environamentalistes entara reïntroduccion deth gat putz en zònes a on a desapareishut
Aguesta trobalha encoratge es esfòrci deth projècte TuroCat, ua iniciatiua de diuèrses administracions e collectius environamentalistes entara reïntroduccion deth gat putz en zònes a on a desapareishut | Turo_EvaColomina _BritishWildlife Centre5

Tèxte legit

Dempús de 50 ans desapareishut, eth gat putz (Mustela putorius) a tornat ena Val d’Aran. Ac mòstren es imatges dera Institucion Catalana d’Istòria Naturau e era Fondacion Barcelona Zòo, damb eth supòrt deth Conselh Generau d’Aran e de volontaris dera Associacion Aran entara Natura.

Aguesta descubèrta, hèta en junh passat, ei ua trobalha istorica pr’amor qu'era darrèra constatacion dera preséncia d'aguesta espècia en perilh d'extincion date des ans 1960. S’agís deth mamifèr mès menaçat dera fauna d’aqueth airau deth Pirenèu, segons eth Catalòg dera Fauna Menaçada de Catalonha.

Damb ua populacion e distribucion fòrça redusida enes darrèri decennis, aguesta trobalha encoratge es esfòrci deth projècte TuroCat, ua iniciatiua de diuèrses administracions e collectius environamentalistes entara reïntroduccion deth gat putz en zònes a on a desapareishut.

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pascau
2.

Genhèc! Quina beròia bèstia!

  • 2
  • 0
Zozime
1.

Ai trucat lo tun tun tota la nuèch, ai fach brandar lo cade ai pregat a l’albre de vida. Al matin soi davalat lo cap rodent dins lo mond del debàs, contra correri cap a una missara que se venià de desvelhar atal ça me diguèc :

La Fagina, Faïna la Fouine
Lo Martrin (masc.) la Martre
La Mostela La belette
Lo taís, lo Rabàs Le blaireau
Lo Catpudre le Putois tanplan coma Gat putz

Apèi aver regraciat la nòtra manha Divessa (diu es una femna et brica un òme), prenguèri un brondil de cade per m’aparar dels aulets e anguèri resquinlar sul riu torat.

  • 0
  • 3

Escriu un comentari sus aqueste article