Bandièra01 1180x150: Comuna de Tolosa

Actualitats

Lo CPLO se met a la creacion del Diccionari General Informatizat de la Lenga Occitana

Per menar a bon tèrme aquela entrepresa, lança un apèl a candidaturas per de pòstes de lexicografes

Lo CPLO se met a la creacion del <em>Diccionari General Informatizat de la Lenga Occitana</em>
Lo CPLO se met a la creacion del Diccionari General Informatizat de la Lenga Occitana | geralt

Tèxte legit

Lo Congrès Permanent de la Lenga Occitana (CPLO) a entamenat un ambiciós projècte dins l'encastre del novèl contracte de plan Estat-Region (CPER) per fin de crear lo Diccionari General Informatizat de la Lenga Occitana, çò es una plataforma lexicala, textuala e toponimica innovanta que balhe un accès unic a l'ensems de las donadas lingüisticas, sustot los diccionaris, gramaticas, fonologias e divèrses còrpus de tèxt.

Lo Diccionari General Informatizat de la Lenga Occitana representa una òbra academica prestigiosa essenciala per la coneissença e a la difusion de la lenga nòstra. Dempuèi lo Tresor dóu Felibrige de Frederic Mistral, cap d'òbra lexicografica panoccitana d'una tala envergadura scientifica es pas estada producha. S'agís doncas d'un obrador istoric que mobiliza l'ensems de las coneissenças, de las ressorsas e de las competéncias scientificas e tecnicas en occitan.

 

Ofèrta d’emplec

 

Per menar a bon tèrme aquela entrepresa, lo CPLO lança un apèl a candidaturas per de pòstes de lexicografes.

Los candidats devon aver una formacion superiora e mestrejar l'occitan en una o mai d’una de sas varietats, amb lo mestritge d'una autra lenga neolatina coma ponch fòrt. Lo candidat deu èsser passionat per la lenga, aver una coneissença aprigondida de son còrpus escrich e oral, aital coma la curiositat constanta de ne descobrir tota la riquesa, e trabalharà dins l’encastre d’una còla dinamica.

Se prepausa l’oportunitat de trabalhar dins un ret scientific e tecnologica europèu, en contribuïssent al desvolopament d'aplicacions de poncha per la lenga occitana.

Per mai d'entresenhas sus la descripcion del pòst, las condicions e per sometre vòstra candidatura abans lo 23 d'octòbre, clicatz aicí.

Aquel projècte se mena a bon tèrme amb lo sosten de las regions dichas Auvèrnhe-Ròse-Alps, Nòva Aquitània e Occitània, de la DRAC d’aquestas darrièras doas regions e del Ministèri de la Cultura de l’etat francés. Se tracta d’un programa de mai d’un an, de 2024 a 2027, que permetrà de desvolopar una infrastructura numerica d'excelléncia.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Zozime
3.

Me cal dire qu’al prim es una cançon de Hank Williams, cantaire de Country, aquela cançon es estada cantada per un fum de monde demest aquestis Elvis Presley.

çai-jos las doas versions.
N’ai cambiada las paraula un brave briu, es l'ambient que ne cal agantar..


https://www.youtube.com/watch?v=4WXYjm74WFI&list=RD4WXYjm74WFI&start_radio=1

https://www.youtube.com/watch?v=7LCDWGHyHMk

  • 0
  • 0
Zozime
2.

Escota ma lenga muda solitari
Es amarósa de tròp per cantar
Querda tà un trin que gemèca
Es tan sola que pouriá plorar

S’es jamai vist nuèch tan longa
Quora lo temps s’enfugís
La luna es detràs los nivòls
S’amagar la cara per plorar

As ja vist un albre plorar
Quora la fuèlhas son a morir
Es lo vam de viure que s’en va


Lo silenci d’una vida sens ma lenga.
Alugora un cèl violet.
E me demandi ont siàs
Soi talament sol que me poriái plorar

Es une lenga solitari vertat ?
Pas tant solitari qu’aquò !
Ara vos podetz pas sentir tan sols vertat ?
Vòli sistrar una esperança tan solitari
Que se non poirà quilhar
Te siàs ja sentida sola ma lenga ?
Caldrià monde çaquelà !

  • 1
  • 0
Franc Bardòu
1.

Non an arrestat una fòrma estandard d'occitan, se contentant de tornar préner en compte las produccions lexicograficas localistas o iperlocalistas dels dos sègles passats ?

E nos parlan d'un diccionari general ?

Un diccionari general de la soma totala dels parlars de las meninas e dels pepins del mieu canton de pichon país ?

O lo diccionari general d'una lenga unificada e, donc, resolgudament modèrna, que non empachariá de ges de biais, per los que o desiran, de continuar de parlar l'occitan coma o pretendon aver sempre fait ? Aqueste diccionari, existís ja : s'agís del DGLO de l'Academia Occitana…

  • 10
  • 17

Escriu un comentari sus aqueste article