Bandièra01 1180x150: País Invisible

Actualitats

crotz-tolosaCreated with Sketch.GuianaPeiregòrdPeiregòrd Negre

Un filmatge en lenga occitana dins un castèl de Dordonha

Un cortmetratge en lenga occitana èra en filmatge la setmana del diluns 9 d’octòbre en Dordonha

Un filmatge en lenga occitana dins un castèl de Dordonha
Un filmatge en lenga occitana dins un castèl de Dordonha | JGS25 / Wikimedia commons

Tèxte legit

Es al castèl de Comarca, en Peiregòrd Negre, que lo realizaire Steeve Calvo e son esquipa se son arrestats per una nuèch, lo temps de rodar las darrièras scènas de La Masca, çò rapòrta Sud-Ouest.

“Es l’istòria d’una jove qu’assistís a la caça de las mascas”, çò detalha Shu Aiello, la directritz de produccion. “Es perseguida e salvada per una autentica masca. Quand aquesta se morís, pren sa plaça”, çò apond en tot precisar qu’es un format cort: “lo film va pas despassar dètz e uèch minutas. Es destinat a èsser presentat dins de festenals.”

Rodat en partida a Doma, a Comarca e dins de bòsques de Peiregòrd, aquel cortmetratge, entitolat La Masca, deuriá sortir pendent lo primièr trimèstre de 2024.

La particularitat d’aquela istòria es qu’es rodada en occitan e en Peiregòrd: “Per son istòria e sos decòrs, lo territòri se prèsta plan a aquel genre de filmes, çò assegura Shu Aiello. E anam pas amagar que la region e lo departament nos an fòrça ajudats.”

 

Un territòri ideal pel cinèma

 

La lenga serà l’occitan lemosin. “Perque las sonoritats son mai escuras”, çò explica lo realizaire. Un especialista de la lenga es present per aprene a parlar als comedians. S’agís de Laurenç Labadie, que ten un pichon ròtle dins lo filme.

L’actritz qu’encarna la Masca, la vièlha masca, es, ela, de Peireguers. S’agís d’Emília Esquerré. Pertocant l’esquipa de filmatge, es majoritàriament peiregòrda. “Es un gròs avantatge, çò reconeis la directritz de produccion. Aicí, s’a çò que cal en tèrmes umans per trabalhar.”

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article