Bandièra01 1180x150: País Invisible

Actualitats

crotz-tolosaCreated with Sketch.GuianaRoergueSegalar Roergat

Letras d'òc prepausa un Obrador de revirada

L'obrador es destinat a totas las personas interessadas per la revirada, al mond que fan de sostitolatge e d'adaptacion de filmes o de BD e als participants de l'Universitat de La Guépia

| Nils Geylen

Letras d'òc prepausa un obrador de revirada, los 10 e 11 de julhet, dins l'encastre de l'Universitat occitana d'estiu de La Guépia (Segalar). 


L'obrador es destinat a totas las personas interessadas per la revirada, al mond que fan de sostitolatge e d'adaptacion de filmes o de BD e als participants de l'Universitat de La Guépia. Guidaràn l'obrador Sèrgi Carles e Joan Eygun.
 
Coma utilizators de l'occitan – quitament quand ensenham en occitan, que fasèm de radiò o qu'escrivèm un article per una revista occitana –, sèm de contunh en situacion de revirada (al mens parciala) estant que la lenga de comunicacion, de formacion e de trabalh gaireben exclusiva es lo francés dins la societat d'ara. Passam de contunh d'una lenga a l'autra, e avèm de competéncias inegalas – o d'òrdres diferents – en francés e en occitan. En consequéncia, es indispensable de i soscar e de trabalhar per assumir la situacion, forviar las trapèlas e créisser nòstras competéncias en occitan.
 
L'edicion occitana a besonh de traductors, que siá per l'ensenhament en occitan, per las revistas de léser, e pel public de legeires qu'a besonh de se noirir tanben d'òbras vengudas d'autras lengas e reviradas en occitan. Per sostitolar o doblar de filmes tanben.
 
Mai informacions a Sèrgi Carles o a Letras d'òc.
 
 
 
Letras d'òc

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article