Bandièra01 1180x150: País Invisible

Actualitats

Benoît Saint-Denis denóncia l’emplec de son imatge per l’ultradrecha

La femna de l’esportiu nimesenc qualifica de “fraudulosa e non autorizada” l’utilizacion de son imatge pels eiretièrs de Generacion Identitària

Benoît Saint-Denis denóncia l’emplec de son imatge per l’ultradrecha
Benoît Saint-Denis denóncia l’emplec de son imatge per l’ultradrecha

Tèxte legit

Lo combatent nimesenc d’MMA (Arts Marcialas Mixtas) Benoît Saint-Denis, que ven d’emportar son quinzen combat a Nòva York, a denonciat vigorosament l’utilizacion de son imatge per l’extrèma drecha, çò rapòrta Libération. Lo gropuscul identitari Argos, eiretièr de la dissolguda Generacion identitària, a organizat un jòc-concors sus Twitter, esplechant la notorietat del combatent pendent son recent combat contra l’estatsunidenc Matt Frevola.

Laura Saint-Denis, esposa de Benoît, a respondut sul pic a aquela temptativa, en qualificant l’utilizacion de l’imatge de son marit de “fraudulosa e non autorizada”, en assolidant que Benoît es “opausat als discorses d’aquel grop” e en criticant la manca de coratge d’Argos per aver pas mençonat lo compte de Benoît Saint-Denis dins lor fiulada sus X, abans Twitter.

Laura Saint-Denis a tanben exprimit, en seguida d’un vidèo del mèdia en linha Loopsider son malcontentament de cap als mèdias qu’an associat l’imatge de l’esportiu nimesenc a l’extrèma drecha.

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pascau
1.

  • 0
  • 0

Escriu un comentari sus aqueste article