Bandièra01 1180x150: País Invisible

Actualitats

Narbona: reüssida de la mobilizacion de vinhairons occitans e catalans

“Se la viticultura se morís, París deu reagir”, çò anoncièt Frédéric Rouanet, president del sindicat audenc dels vinhairons

Narbona: reüssida de la mobilizacion de vinhairons occitans e catalans
Narbona: reüssida de la mobilizacion de vinhairons occitans e catalans

Tèxte legit

Capitèt ben la mobilizacion dels vinhairons occitans e catalans que se tenguèt dissabte passat a Narbona. Unes 6000 manifestants (4000 segon la prefectura) protestavan contra la situacion precària de la filièra viticòla. Planhián mai que mai de pèrdas ligadas a las secadas de l’annada, als problèmas d’importacion e a de prèses suls quals se pòt pas alinhar. “Se la viticultura se morís, París deu reagir", çò anoncièt Frédéric Rouanet, president del sindicat audenc dels vinhairons, davant la molonada. Al cortègi foguèt present l’evesque de Carcassona e Narbona, Monsénher Valentin, amb lo sosten de País Nòstre.

La mobilizacion se teniá a l'apèl sustot de l’FDSEA, del Sindicat dels vinhairons d'Aude, de la Cooperacion Agricòla Occitània, dels joves agricultors del departament d’Aude e dels Vinhairons Independents.

Los discorses prononciats soslinhèron la situacion precària de la filièra viticòla, en acusant sustot los “ecologistas extremistas” d'impausar de nòrmas jutjadas “insosteniblas”. Los divèrses representants tanben recordèron al govèrn que la paciéncia dels vinhairons aviá de limits e qu'èra urgent de respondre a lors revendicacions.

 

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article