Bandièra01 1180x150: País Invisible

Actualitats

Alsàcia aurà un ofici public de sa lenga pròpria en 2024

Aquel recampament d’interès public permetrà d’associar los territòris vesins de Mosèla, d’Alemanha e de Soïssa

Alsàcia aurà un ofici public de sa lenga pròpria en 2024
Alsàcia aurà un ofici public de sa lenga pròpria en 2024 | Serge Rieger

Tèxte legit

La Collectivitat Europèa d’Alsàcia (CEA) a anonciat son intencion de crear un ofici public de la lenga, çò rapòrta Mediabask. Sa tòca es de “relançar la practica de l’alsacian en creant un ofici public de lenga regionala d’Alsàcia e de Mosèla en 2024”, segon lo president de la CEA, Frédéric Bierry.

Lo nòu ofici public prendrà la forma d’un recampament d’interès public, en s’inspirant dels modèls de l’Ofici Public de la Lenga Occitana (ÒPLO) e sos equivalents pel basco e pel catalan, e permetrà d’associar lo departament de Mosèla, las comunautats de comunas d’aquel departament e los territòris vesins d’Alemanha e de Soïssa.

L’Ofici per la Lenga e las Culturas d’Alsàcia e de Mosèla (ÒLCA), creat en 1994 per la region e los departaments del Naut Ren e del Bas Ren, a saludat aquela iniciativa. Caroline Suss, cap de projècte a l’OLCA, a soslinhat l’importància d’aquela fòrça novèla de tustada, explicant que los uèch salariats actuals son pas sufisents, e a  exprimit sa satisfaccion pertocant la mesa endavant de la transmission, de l’educacion e de la joventut, afirmant que la creacion d’aquel ofici public permetrà a totes los actors de la lenga de coexistir de faiçon mai eficaça.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
2.

Alsàcia aurà un ofici public de sa lenga pròpria en 2024. Aquel recampament d’interès public permetrà d’associar los territòris vesins de Mosèla, d’Alemanha e de Soïssa germanofòna. Esperem que non permetrà pas, per contra, de suprimir lèu fait tota ajuda publica a la premsa e a l'edicion en alamand d'Alsàcia… S'es ja vist, aquò, endacòm mai, totun !

  • 13
  • 0

Escriu un comentari sus aqueste article