Bandièra01 1180x150: País Invisible

Actualitats

An suspendut las fèstas de Nadal a Betelèm

Una delegacion de crestians palestinians demanda a Joe Biden son intervencion per obténer l’alta al fuòc e la patz en Gaza

L'arbre de Nadal sus la plaça del Presèp de Betelèm
L'arbre de Nadal sus la plaça del Presèp de Betelèm | Ben & Gab

Tèxte legit

Los crestians de Palestina an suspendut las celebracions de Nadal coma mòstra de solidaritat amb Gaza, ont la crisi umanitària persistís, çò rapòrta The Washington Post. I aurà pas de celebracions publicas, ni de lums ni l'arbre de Nadal sus la plaça del Presep de Betelèm fins que la situacion melhore, çò an decidit los crestians de totas las confessions presentas. Los crestians representan aperaquí lo 2% de la populacion de Cisjordania e mens de l’1% de Gaza, ont la glèisa crestiana mai anciana es estada destrucha per las bombas.

En mai d’aquò, una delegacion de crestians palestinians s’es desplaçada a Washington e a remés una letra al president Biden per demandar qu’intervenga per obténer l’alta al fuòc e la patz.

La delegacion a exprimit tanben son chepic per l’ostilitat creissenta en Cisjordania e a Jerusalèm, provocada per d’agressions d'extremistas josieus. La delegacion condemna los actes d’Hamas mas pausa en question l'estrategia d'Israèl e demanda una solucion pacifica.

Lo pastor Munther Isaac, que fa partida d’aquela delegacion, espèra que lo temps de Calendas serà l’escasença per pensar sus la situacion. A dich qu’ongan lo presep se fariá dins de tarcums coma simbòl de la naissença de Jèsus entre los qu’o an tot perdut.

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

lo fabre olargues
1.

Mai de 20 000 mòrts , bombas , genocidi, dròlles espotits jos las bombas , un pòble assessinat i nòstre quotidian d'informacion titola :an suspenduts las fèstas de nadal en betlehem!
Ne parlarai a mon ase !
Lo pivelara , de segur!

  • 0
  • 4

Escriu un comentari sus aqueste article