Lo cantador avinhonenc Gui Bonnet defuntèt dins la nuech de dimenge a diluns passats a Montpelhièr, dins sei 78 ans. Compausèt per eu e per d’autrei, dont per representar França au festenau de l’Eurovision. Entre aquelei cançons, Bonnet escriguèt La Source que l’interpretèt Isabelle Aubret e qu’arribèt tresena au concors de 1968 a Londres. Eu meteis i aviá tanben interpretat sei cançons Marie Blanche, en 1970, e Vivre, en 1983; n’i a pereu una version provençala que podètz escotar çai sota.

Puei l’artista provençau se virèt vèrs la cançon en occitan de Provença e venguèt un referent de la novèla cançon occitana, amb un estil particular e reformista. A publicat mai d’una vintena d’albums, amb d’òbras emblematicas coma lei cançons Siam pas encara mòrts ò Fau te bolegar.

FB