Lo president francés Emmanuel Macron defend fermament la supression, ja evocada per son ministre de l’Interior Gérald Darmanin, del drech del sòl a Maiòta, dins una entrevista publicada per L’Humanité aqueste dimenge passat. Aquel controversiat projècte de reforma constitucionala cèrca d’eliminar lo drech al ciutadanatge francés per las personas nascudas sus aquel departament ultramarin de la Republica, amb la tòca de frenar l'immigracion clandestina, sustot en provenença de l’archipèla de las Comòras.

Per se justificar, Macron soslinha “qu'es legitim de pausar aquela question, car los maoreses patisson. Eles an plan aculhit aquela proposicion, quina que siá lors sensibilitats politicas. Devèm metre fin lo fenomèn migratòri a Maiòta, que fa riscar l’esfondrament dels servicis publics sus l’illa”.

Macron afirma dins aquela entrevista que Maiòta es la primièra maternitat de França, amb de femnas que s’i gandissom per donar naissença a d’enfants qu’ajan lo ciutadanatge francés, e remarca l'arribada massissa de personas en provenença de Tanzania e d'autres païses, çò qu’apond de novèls desfises a la region. Per respondre a aquel problèma, Macron prepausa non solament de suprimir lo drech del sòl a Maiòta, mas tanben de restrénher l'accès als dreches socials per las personas en situacion irregulara.

Per contra, assegura qu’aquela restriccion del drech del sòl s’aplicarà solament a Maiòta e a nat territòri de l’estat francés, regetant los apèls de la drecha conservatritz e de l'extrèma drecha a espandir la mesura a tot lo territòri de la Republica.

Lo president francés soslinha qu’aquel projècte de revision de la Constitucion ataca pas la Republica indivisibla, puèi que la lei fondamentala reconeis tanben sa diversitat e sa descentralizacion. Met en lum las experiéncias anterioras d'adaptacion de la Constitucion a de territòris d'otramar, coma la Polinesia Francesa e Canaquia.

Emmanuel Macron défend la suppression du droit du sol sur l’île de Mayotte, devenue « la première maternité de France » https://t.co/aqVOWrXYxd

— Le Monde (@lemondefr) February 18, 2024

À l’occasion de l’entrée au Panthéon des résistants Missak et Mélinée Manouchian, @EmmanuelMacron a répondu à nos questions

L’occasion inédite de l’interroger sur ses conceptions de la nation et sur sa responsabilité dans la montée de l’extrême droite ➡️ https://t.co/tjPeWobfvfpic.twitter.com/tR13nFg8zi

— L'Humanité (@humanite_fr) February 18, 2024

« Une division pure et simple du territoire de la République »
En arrivant à Mayotte, hier, Darmanin a annoncé vouloir supprimer le droit du sol sur l’île. Une décision justifiée par un fantasme que démontre le chercheur Jules Lepoutre.
➡️ https://t.co/zjnZFoNqrspic.twitter.com/2ijnu9NSJm

— L'Humanité (@humanite_fr) February 12, 2024