Bandièra01 capçalera  1180x150: Novestivada

Actualitats

Lo Collectiu Occitan reclama una granda manifestacion per l’occitan

Lo collectiu qu’amassa un desenat de movements occitanistas conclutz que cal reünir los esfòrces e organizar tornarmai una granda mobilizacion per la lenga

Carcassona 2005
Carcassona 2005 | Guilhèm Sevilha

Lo dissabte 16 de març de 2024, lo meteis jorn que la commemoracion de Montsegur, lo Collectiu Occitan tenguèt un acamp qu’i assistiguèt una brava representacion d’associacions e collectius engatjats per las lenga e cultura occitanas. Après analisar la situacion actuala de l'ensenhament, dels mèdias e de la vida publica, s'arribèt a la conclusion que caliá reünir los esfòrces e organizar tornarmai una mobilizacion per la lenga.

Lo Collectiu Occitan amassa un desenat de movements occitanistas dont Convergéncia Occitana, l’IEO, la Confederacion Calandreta, lo Partit Occitan, EELV Occitània, País Nòstre, lo Partit de la Nacion Occitana, Bolegadís, Bastir Occitània, lo Felibritge e Macarèl.

Las manifestacions per l’occitan, organizadas dempuèi 2005 pel collectiu “Anem, òc!” an aguda una importància istorica e an mes en evidéncia que d’occitanistas de drecha e d’esquèrra, d’ecologistas e de partisans de l’energia nucleara, d’atèus e de catolics, de rics e de paures, de pacifistas e de militaristas, de personas simpaticas e antipaticas... avèm agut mostrat totes que sèm capables d’agir amassa e ensems per çò mai considerable: salvar la lenga e la cultura del país, e far avançar Occitània per que recobre sa lenga, sa cultura e l’enveja de marchar a son aise... doncas, de “viure al país”. La darrièra manifestacion per l’occitan se tenguèt a Monpelhièr en octòbre de 2015.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Giacomo Polminhac
9.

Enfin una iniciativa de las bonas ! Nos cal mostrar la nòstra fiertat d'èsser occitans e la far partajar al mai de monde possible. Es l'estrategia que seguiguèron lo monde LGBT e lachèron pas. Ambe de resultas...

  • 0
  • 0
ltrobat
8.

#5:
Qu'èram 20 000 a la manifestacion de 2012. Çò que n'a seguit? Çò que s'i avem ganhat?
Quan atraçarem tant de monde com aqueste còp dens ua manif a viéner, qu'ei çò que'n harem de mei qu'en 2012?

  • 0
  • 0
P. Pojada
7.

"Anem-Òc
6.22 de març de 2024. 07:10h

Aqueste article es vertadièrament problematic : ont se tenguèt aquel acamp ? Qual i participèt ? Ont es lo teèxte de Crida fib-nal ? Soi membre de mai d'unsa estructursa aicí citadas e sabiái res d'aqueste acamp. Foguèt una realitat, lo sòmi de quauques--uns, lo fantasma del redactor de l'article ?"
Es evident que son las questions que se cal pausar. Segurament que ne saurem mai pro lèu que nos cal saber qui nos representa dins aqueles acamps.

  • 5
  • 0
Anem-Òc
6.

Aqueste article es vertadièrament problematic : ont se tenguèt aquel acamp ? Qual i participèt ? Ont es lo teèxte de Crida fib-nal ? Soi membre de mai d'unsa estructursa aicí citadas e sabiái res d'aqueste acamp. Foguèt una realitat, lo sòmi de quauques--uns, lo fantasma del redactor de l'article ?

  • 15
  • 2
Jean-Charles Valadier Tolosa
5.

Per existir, cal èsser visible. La capitada d'una manifestacion granda per l'occitan dependrà de l'investiment de las associacions sul territòri, aital coma d'implicacion de la vila que nos aculhirà.

  • 11
  • 2

Escriu un comentari sus aqueste article