Bandièra01 1180x150: Comuna de Tolosa

Actualitats

InternacionalPolitica

Catalonha: nòva èrsa d’independentistas exiliats

Los enseguits per las protèstas del Tsunami Democratic son acusats de “terrorisme”

Una bandeiròla a l’aeropòrt de Barcelona avertís los toristas en lor disent qu’en Espanha protestar es considerat coma de terrorisme
Una bandeiròla a l’aeropòrt de Barcelona avertís los toristas en lor disent qu’en Espanha protestar es considerat coma de terrorisme | Òmnium

Tèxte legit

Sèt ans après lo referendum d’independéncia, una nòva èrsa de catalans se son exiliats en Soïssa. Los darrièrs a i anar son lo jornalista Jesús Rodríguez, l’entrepreneire Josep Campmajó, lo conselhièr d’Òmnium Oleguer Serra e lo deputat d’ÈRC Ruben Wagensberg, demest d’autres. An causit l’exili après qu’un jutge espanhòl decidiguèt de los enseguir per “terrorisme”.

Aquela decision ven après d’ans de tensions e persecucions judiciàrias a causa de las protèstas del Tsunami Democratic, un movement ciutadan que foncionèt en linha en 2019 per coordenar de protèstas massissas contra la repression politica de l’independentisme catalan. Lo Tsunami Democratic estonèt per sa capacitat de convocacion e coordinacion, e venguèt sul pic una buta de las autoritats espanhòlas.

Ara la repression a crescut fins un tal ponch que lo jutge Manuel García-Castellón acusa divèrsas figuras politicas e de la societat civila de “terrorisme” e d’autres crimes e delictes. Al total i a 10 personas enseguidas pel Tsunami Democratic, dont 8 an decidit de s’anar exiliar dins un país coma Soïssa, qu’a mostrat istoricament son respècte pels dreches politics. Soïssa es vista coma un luòc segur, mai que mai ara que l’estat espanhòl cèrca l’extradicion dels exiliats en los acusant de “terrorisme”, una acusacion que complica l’exili dins los estats de l’UE.

 

 

 

 

 

 

 

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article