Bandièra01 capçalera  1180x150: Novestivada

Actualitats

Una femna progressista e environamentalista serà la nòva presidenta de Mexic

Claudia Sheinbaum a un doctorat en engenhariá environamentala e una longa istòria politica

Tèxte legit

Claudia Sheinbaum, candidata del partit presidencial Morena, a ganhat largament l’eleccion e se proclama presidenta de Mexic. Amb aperaquí lo 60% dels vòtes, a superat de mai del 30% dels sufragis sa rivala principala Xóchitl Gálvez. Aital, Sheinbaum serà la primièra femna presidenta dels Estats Units de Mexic.

Dins sos 61 ans, Sheinbaum a un doctorat en engenhariá environamentala e una longa istòria politica dont soslinharem que foguèt consolessa màger de la ciutat de Mexic e una persona de fisança del president sortent Andrés Manuel López Obrador.

Sheinbaum se diferéncia de López Obrador per son estil e sos antecedents: ela es pas una catolica cresenta e benefícia una formacion academica internacionala, del temps que López Obrador aviá mai encantat la populacion rurala. Totun, ambedós partejan una passion per l'activisme politic, influenciats per lors familhas progressistas. Sheinbaum foguèt criticada per la mantenença inadequada del mètro de la ciutat de Mexic, mas avièt d'iniciativas urbanas e de seguretat, çò rapòrta The Washington Post.

 

L’UE se felicita

 

L'Union Europèa a exprimit sas felicitacions a Claudia Sheinbaum, per sa larga victòria a l’eleccion presidenciala e a soslinhat qu'espèra d’afortir las relacions bilateralas amb son país nòrd-american. Segon Ursula von der Leyen, l’eleccion es istorica car serà la primièra femna presidenta de Mexic.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Cara
2.

Lo jornalet fa viure la lenga cada jorn, e çò que m'agrada es que i podi legir d'articles gratuits, (que soi de pobret) pertocant de sicuts variats, regionals o internacionals. E mai, o podi legir sus mon ordenador perque soi aluenh del païs. E vòls que te diga ? Ieu que tanben asiri lo capitalisme que va devorant la planeta, cresi pas qu'una pensada nacionalista e conservatritz a pas jamai ajudat las populacions minoritàrias que avián pas brica de poder a conservar.

  • 14
  • 3

Escriu un comentari sus aqueste article