Bandièra01 capçalera  1180x150: Novestivada

Actualitats

crotz-tolosaCreated with Sketch.AuvèrnheAuvèrnheLimanha

Après tres meses de la desaparicion de la petita Fiona, la maire se sentís abandonada

Las enquèstas contunhan sens cap de pista

Cécile Bourgeon, la maire de la petita Fiona, que desapareguèt fa tres meses dins un pargue de Clarmont-Ferrand, ditz que se sentís abandonada. L’enquèsta a pas permés de descobrir cap de pista concreta sul raubament. “Sèm practicament al ponch de partença”, çò declarèt l’avocat de Bourgeon diluns passat dins una entrevista amb l’AFP. L’avocat, Gilles-Jean Portejoie, disiá dins aquela entrevista, que “sièis o sèt personas son estadas entendudas per la polícia, sonque aquò”.


Lo jornal auvernhat d’expression francesa La Montagne publicava, diluns, l’entrevista de la maire que, dins sos 25 ans e desesperada d’aver perdut sa filha, declarava que se sentís “un pauc abandonada”. Ça que la l’avocat temperava aquelas afirmacions: “podèm pas dire que los enquestaires trabalhen pas, eles e lo procuraire menan un trabalh remarcable”.
 
Demest los testimoniatges recebuts, i a lo d’un enfant que vegèt un “òme estranh” dins lo pargue lo jorn de la desaparicion de la petita Fiona. Un autre testimoniatge es lo d’una femna que ditz que la vegèt sus una plaja de Perpinhan (Païses Catalans). Es precisament a Perpinhan qu’abita la grandmaire de la petita desapareguda.
 
Dins un primièr temps l’enquèsta se concentrèt tanben, sens succès, sus l’entorn de la jove maire, mai que mai sus un òme argerian de 34 ans contra qui ela aviá fach sa denóncia un an abans per “viòl e sequestracion”.
 
Lo paire biologic de Fiona, Nicolas Chaufolaus, ditz qu’a pas cap de nòva de sa filha dempuèi mai d’un an. A l’ora d’ara es pas lo companhon de la maire, qu’es amb Berkane Maklouf, dont espèra un enfant.
 
Lo 12 de mai passat, la drolleta nomenada Fiona anèt jogar al Pargue de Montjuset de Clarmont-Ferrand amb sa maire e sa petita sòr, de dos ans e mièg. Foguèt justament la maire que donèt l’alèrta, quand subitament vegèt pas mai sa filha, e a 18h45 ne denoncièt la desaparicion.
 
Fiona a 5 ans, es blonda, fa 1 mètre 10 de naut e desapareguèt abilhada amb un vestit negre d’Hello Kitty, segon las referéncias de la polícia.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

pimflòid
1.

N'ei pas la sola, malurosament...

http://www.ladepeche.fr/article/2013/08/08/1686243-col-port-hers-jeune-femme-activement-recherchee.html

  • 1
  • 0

Escriu un comentari sus aqueste article