Actualitats
“Parli occitan cada jorn”
Zoé Chigot-Laporte, elegida reina de la Felibrejada en Peiregòrd, mòstra son engatjament per las lenga e cultura occitanas
Tèxte legit
Zoé ditz que realiza son sòmi de mainatge en essent elegida reina de la Felibrejada 2024. A 19 ans, aquela gojata peiregòrda es estada coronada per l'associacion Lo Bornat de Peiregòrd, una reconeissença qu’a mes endavant son prigond estacament a la cultura occitana.
Segon Sud -Ouest, dempuèi son enfança Zoé es cabussada dins las lenga e tradicions occitanas. Sa familha es originària de Sent Abre (Rebairagués), ont se debanèt la Felibrejada del 5 al 7 de julhet. Cresquèt en parlant la lenga nòstra amb las femnas de sa familha, considèra l'occitan coma sa segonda lenga mairala e declara que l'utiliza “tots los jorns”. A l'ora d'ara, es estudianta en primièra annada a l'escòla d'infirmièras de Peireguers, contunha de practicar l'occitan quotidianament, tant dins lo quadre familial coma professional.
Zoé Chigot-Laporte se consagra a la promocion de l'occitan per divèrsas manifestacions en Dordonha. Pendent la Felibrejada prononcièt un discors lo dimenge 7 de julhet en soslinhant las menaças que pesan sus las lengas dichas regionalas e l'importància de las preservar.
Zoé a declarat que desira transmetre aquel amor per la cultura nòstra a las generacions joves. Son eleccion coma reina de la felibrejada es pas solament un onor personal, mas tanben un engatjament a valorizar e protegir las tradicions occitanas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sei reina, sei reina a 19ans;
A 29ans serai maire e benleu mair de familha.
Ai tota la vita davant me. Partirai en veitura per picar las gens e pica que te pica tot en alimentant lo cancan.; i a pas d'autras faiçons de praticar la medecina oficiala per lo moment. Adiu la medecina per las plantas, adiu la medecina energetica e tout autra fòrma de medecina que suenha mielhs tot en colant mens char..
Los jòcs olimpics van ramenat lo calme dins la vita politica e mediatica françesa qu'es interdit de presentar aus televisions estrangieras una façada negra. Apres quò porria bardar: crisa economica e financiera. Tot un monde vai s'esbolhar per laissar la plaça a de nòvas pensadas.
A datz-a-nòu ans me damandava çò qu'anava far de tot çò qu'avia aprengut a l'escòla. Quand comencet de trabalhar me semblava que tot çò qu'avia aprengut a l'escòla me servia de ren e qu'auria agut besonh de causas qu'avian pas estadas ensenhadas. Quò fuguet lo burn-out. Trobet un mestier e me viret; en defòra de mon trabalh, a aprener la spiritualitat. Qu'auqu'un me disset: "Quala estima de te as? L'estima de me qu'avia esra solament una valor comerciala. Avia un diplum que me permetia d'aver dins la vita un renh e un salari un pauç superior.
Mas, degun me damandet si era uros, si avia fisança en me, si era crane de çò qu'avia fach.
Aquò fai pas partida de la vita, interessa pas lo monde qu'an lo poder de l'argent.
Merci a te e a ta familha de reviscolat l'occitan. Dins la mia familha qu'era interdit d'en parlar e las pòrtas se barreran las unas apres las autras. Lo beu-frair aprenia a sos goiats qu'una djiba se disia aura serpe. La neboda disset qu'avia oblidat la sonoritat de l'occitan....
Fai ta vita e tròba l'amor, l'amor de te en prumier per poder en balhar aus autres. Mas la medecina es pas solament una mecanica. L'esser uman a de las emocions que li permetan de dire ama o ama pas e si ama pas pren lo chamin de la deprima, de sa devalorisacion.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari