Bandièra01 1180x150: País Invisible

Actualitats

crotz-tolosaCreated with Sketch.GasconhaLanas e LabritShalòssa

De tustadas en marge d’una manifestacion anticorrida a Dacs

| Régis Bouriez
Dimenge passat, lo 8 de setembre, lo Comitat Radicalament Anticorrida (CRAC) manifestèt per demandar l’abolicion de l’espectacle amb mòrt de taures, en escasença de la fièra “Toros y Salsa” a Dacs (Shalòssa). Tres elegits municipals del partit ecologista EELV participèron a la manifestacion.
 
Un decret municipal enebissiá tota manifestacion dins un rai de 500 mètres a l’entorn de las arenas. Just al moment que los 120 manifestants passèron aquela distància, la polícia antisusmauta (CRS) empleguèt la violéncia e de gases lacrimogèns.
 
Quatre manifestants se planhon d’èsser nafrats. “Non i cresi pas encara qu’avancen e bombarden de gas hèra viste los primèrs manifestants”, çò descriviá Isabelle Nail, una de las elegidas que manifestavan.
 
De son costat, la prefectura assegurèt als mèdias que cap de persona foguèt pas espitalizada.
 
Es pas lo primièr cas de violéncia policièra contra las manifestacions animalistas en Gasconha. Uèch manifestants foguèron ferits lo 24 d’agost passat a Arrion (Lana Gran).
 
Aquesta setmana, mai d’una veirina e los murs de las arenas èran plens de tags anticorrida.

 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Mathieu Castel Marselha
10.

#9 Te rasseguri, leis espanholadas e lei corsas de buòu, li compartisses d'a plen amb lei provençaus...

  • 0
  • 0
Cap e tot
9.

#3 En Gasconha, las farandòlas provençalas ne son pas mei autenticas qui non pas las espanholadas tan mespresadas peus occitanistas. De hèit, qu'èm mei pròches deus Castelhans qui non pas deus Provençaus, deus Lemosins o deus Aupencs.

  • 2
  • 5
Pimflòid
8.

#7 :-)

  • 0
  • 0
Mathieu Castel Marselha
7.

#5 Ai pas dich lo contrari mai d'aquò n'avem ja charrat me sembla...

Olé ! Salsa ! Toros ! Anda anda ! Caramba !

  • 0
  • 0
Pimflòid
6.

De mei s'espiatz la videò que vederatz provocacions de la part deus manifestants, quiò, mes que vederatz tanben los CRS trucar ua hemna per tèrra e patacar mei anar mei un tipe qui ne's defen pas briga.

Que podetz contestar la pertinéncia deus metòdes deu CRAC si voletz mes ne podem pas contestar que los metòdes de las "companias republicanas de securitat" ne defenen pas ni la republica ni la securitat.

  • 3
  • 0

Escriu un comentari sus aqueste article