Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaBearnSeuvestre

40 ans deus Pagalhós

| Los Pagalhós
Los 21 e 22 de seteme, lo grop Los Pagalhós que hestejarà lo son quarantau anniversari e la Calandreta de Seuvèstre de Porciuvas-Bocoa; era, que fenirà los sons 10 ans.

Qu’an doncas convidat amics tà har la hèsta amassas a las Arenas d’Arsac, en Bearn.
 
Lo dissabte 21 de seteme, cantaires amics qu’obriràn las festivitats a tres òras deu vrèspe. A sheis òras e mieja, los calandrons de Porciuvas que jogaràn lo conte teatrau Artús e Mailís. E a nau òras deu ser que i aurà un concèrt d’anniversari excepcionau dab los Pagalhós, l’Armonia d’Oc’asion e La Brana de Ger. Croc’Stana que perpausarà un bal puish qu’ei prevista ua cantèra giganta dinc au matin.
 
Lo dimenge 22 a mieidia que’s harà un aperitiu e sauts bearnés. Que i aurà a l’ua òra lo disnar d’anniversari assegurat per la Calandreta de Seuvèstre e animat, atau com la vesprada qui seguirà, peus convidats deus Pagalhós.
 
 
 
 
InÒc

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Emmanuel Isopet
1.

Bon aniversari als Pagalhoses! E grand mercés pels bons moments que nos balhan! Tant sus l'empont qu'a l'estanquet! Totjorn amb umor, sensibilitat e desconada. Grands sovenirs au Caranval!
Osca per aqueles militants que son totjorn preste a portar sosten a la causa amb vam e talent.

  • 2
  • 0

Escriu un comentari sus aqueste article