Bandièra01 capçalera  1180x150: Novestivada

Actualitats

crotz-tolosaCreated with Sketch.GasconhaVal d'Aran

Es Pompièrs de Vielha que hestegen eth sòn 50u anniversari

| Google maps
Aguest vrèspe, e deman dissabte, es Pompièrs de Vielha e Mijaran qu’an programat ua seguida d’activitats entà commemorar eth sòn 50u anniversari.
 
Aué entàs 18h00 se harà un acte d’aumenatge as pompièrs, presentat peth secretari dera Associacion des Pompièrs e Volontaris deth Parc de Vielha e Mijaran. Er eveniment que compdarà damb era preséncia d’Arturo Calbetò, que siguèc eth prumèr secretari dera associacion; deth sindic d’Aran, Carlos Barrera; deth baile de Vielha e Mijaran, Àlex Moga; deth director generau des pompièrs dera Generalitat de Catalonha, Joan Canalias; e de pompièrs dera Província de Lhèida e deth departament dera Nauta Garona.
 
Se passarà un filme hèt pes quites pompièrs a on se poderà veir imatges enregistradi en diferentes epòques, s’inaugurarà ua exposicion de fotografies e se cantarà er imne des pompièrs acompanhat pera corau Auba de Vielha.
 
Era exposicion, de liure accès, tanben se poderà vesitar dissabte, dia que se passarà quauqui còps eth filme des 50 ans des pompièrs.
 
Era tòca dera mòstra qu’ei de hèr reflexionar as assistents sus es cambiaments que se son introdusits long deth temps entà melhorar era efectivitat d’aguest còrs d’emergéncies.
 
 
 
 
FM/CGA




_____
TV3, programa Divendres. Es Pompièrs, ua des institucions mès aimades en Aran.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article