Bandièra01 1180x150: País Invisible

Actualitats

crotz-tolosaCreated with Sketch.GasconhaArmanhacPaís d'Aush

Aush recuperarà los noms de sas carrièras en occitan

| Duch.seb
La vila d’Aush recuperarà los noms originaris de sas 400 carrièras en i instaurant la senhalizacion dobla en francés e occitan. Aital, las carrièras seràn senhalizadas amb lor nom real, al delà de lor nom oficial. Fins ara, los vesitaires sabon pas que çò indicat coma rue Dessoles, es en realitat lo Camin Dret.
 
Segon un sondatge publicat per Sud-Ouest, una larga majoritat es per l’indicacion dels noms de las carrièras en occitan.
 
Al delà de tota la vila vièlha, 18 carrièras veiràn lors placas en occitan d’aicí al mes de decembre.
 
Per recuperar los noms de totas las carrièras, a calgut menar a tèrme un trabalh intellectual. En setembre passat, pendent la Setmana Europèa de las Lengas, se presentèt los resultats d’aquela reflexion sus la vila, lançada en collaboracion amb Claudi Pierson, professor d’occitan e de letras classicas, e Jòrdi Nosella, director de l’Institut d’Estudis Occitans del departament de Gers.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

JIG
3.

Bon, que peguegi mes que'm sembla çò d'important, ací, qu'ei
1 - qu'ua cultura e's torni arrecaptar l'espaci public, en dar ua visibilitat a la lenga, e
2 - los 58 % deu monde qu'ac tròbin bon : aquí ua chifra qui hè gai.

  • 8
  • 0
JIG
2.

#1 Especiaument se los noms occitans son pas referenciats sus GoogleMaps®… |:)

  • 6
  • 0
Mathieu Castel Marselha
1.

Mmmm... Sabi pas de que pensar d'aquesta idèia de donar un nom diferent a la carriera en occitan. De veire "Rue Jean-Paul Sartre" e en dessota "Carriero dóu pous di fabre" ò quauquaren ansinta (inventi completament mai es çò que se fa a z'Ais de Provença per exemple), me sembla un pauc contra productiu.

Lo nom occitan deuriá èstre lo mesme que lo nom francés e pas un nom ancian. Ansinta, "Rue Dessoles" / Carriera Dessoles" ò "Chemin droit / Camin Dret" mai pas una mescla dei doás apelacions.

  • 5
  • 3

Escriu un comentari sus aqueste article