Bandièra01 capçalera  1180x150: Novestivada

Actualitats

Lo hestenau Mond'òc, a Barçac, los 1èr, 2 e 3 de junh

| Mond'òc Hestenau

Tà la dusau annada ad arron, a Barçac (Grava), la Calandreta de Siron e l'Aròu occitan deu Sud Gironda qu'organizan lo hestenau MOND'OC los 1èr, 2 e 3 de junh de 2012. Lo programa q'ei ric e obèrt a tots los publics.


Tres dias de festivitats qui començaràn tanlèu lo divés 1er de junh au ser dab tres grops qui animaràn bals tradicionaus: Lo Trio Espinasse-Le Meur, Lou Rebaleyt's e Les Semelles.
 
Lo dissabte 2 de junh que començarà per la matiada dab un mercat deu terrador, taulèrs de libes, ua mustra "Gironda occitana", un debat sus "l'ensenhament occitan" e animacions de totas taus grans e petits. En serada, las festivitats que's perlongaràn per concèrts qui arcuelhan formacions musicaus reputadas e de qualitat: Mossur Artús,Brotto Lopez, Nadau, Gari Grèu e Lous Caps Negues. Fin finau, tà representar la cultura occitana dab un biaish nau e culturau, dus concèrts barròcs a la glèsia de Barçac que's debanaràn lo dissabte 2 a 15h 30 a lo dimenge 3 de junh a 11h: Tre Fontane e Gerard Zuchetto.
 
 

 
InÒc

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article