Actualitats
Escota e Minja: dètz ans de hestenau e un DVD de tira!
L’onzena edicion se debanarà deu 3 au 6 de julhet 2014 a l’Isla de Baish (Savés)
L’annada passada en 2013, 64 oras de vidèo e de son estón presas ende fixar la memòria deu hestenau, ende testimoniar de la sua evolucion e ende presentar le dinamisme a l’entorn de l’occitan a l’Isla de Baish (Savés).
Es le joen Celtill Jalaber (realizaire d’Occitana Jones e Aven-Gers, difusats sus Youtube), ajudat per la còla desparièra d’Escota e Minja, que hascoc le rodatge, le montatge e la realizacion que mièc a la produccion d’un filme de 30 minutas e d’ua ora e mieja de filmòts divèrses dins un DVD originau.
Aqueth DVD —entre documentari e reportatge— nos presenta la realitat d’una situacion, la volontat e le trabalh de quauques unes que, annada après annada, hèn avançar l’occitan e la cultura locala.
La fruta que resulta deu trabalh hèit es bèra:
Tanben, draviscoc en seteme de 2013 una seccion bilingüa e se botèc en plaça en genièr de 2014 una iniciacion a l’occitan en la mitat de las classas mairalas e primàrias de la vila en mès de las intervencions ja hèitas.
Dumpèi mès de 5 ans, cada an, navèras placas bilingüas son pausadas dins la comuna.
L’Isla de Baish es una vila occitana e aqueth DVD ac presenta clarament.
Le DVD deus 10 ans d’Escota e Minja serà venut pendent l’edicion 2014 deu hestenau a l’Isla de Baish.
Serà tanben distribuit per l’associacion d’Arts & d’Òc dins les collègis de la Hauta Garona: les escolans poiràn atau véser tota la modernitat e l’ambient de hèsta qu’es portat per la cultura occitana... Benlèu lor balharà idèas de las bonas...
Escota e Minja, en 2014, se debana deu 3 au 6 de julhet a l’Isla de Baish, vos i cau vénguer nombroses!
Olivèr Berard
Es le joen Celtill Jalaber (realizaire d’Occitana Jones e Aven-Gers, difusats sus Youtube), ajudat per la còla desparièra d’Escota e Minja, que hascoc le rodatge, le montatge e la realizacion que mièc a la produccion d’un filme de 30 minutas e d’ua ora e mieja de filmòts divèrses dins un DVD originau.
Aqueth DVD —entre documentari e reportatge— nos presenta la realitat d’una situacion, la volontat e le trabalh de quauques unes que, annada après annada, hèn avançar l’occitan e la cultura locala.
La fruta que resulta deu trabalh hèit es bèra:
— 40 annadas d’opcion occitan au licèu de l’Isla de Baish dab un trabalh deus bèths miat peus professors,
— 18 ans d’accions entaus mainatges miadas peu Carnaval Gascon,
— 10 ans de hèsta dab le hestenau Escota e Minja,
— 3 ans de cantas polifonicas dab le còr Canta l’Isla.
— 18 ans d’accions entaus mainatges miadas peu Carnaval Gascon,
— 10 ans de hèsta dab le hestenau Escota e Minja,
— 3 ans de cantas polifonicas dab le còr Canta l’Isla.
Tanben, draviscoc en seteme de 2013 una seccion bilingüa e se botèc en plaça en genièr de 2014 una iniciacion a l’occitan en la mitat de las classas mairalas e primàrias de la vila en mès de las intervencions ja hèitas.
Dumpèi mès de 5 ans, cada an, navèras placas bilingüas son pausadas dins la comuna.
L’Isla de Baish es una vila occitana e aqueth DVD ac presenta clarament.
Le DVD deus 10 ans d’Escota e Minja serà venut pendent l’edicion 2014 deu hestenau a l’Isla de Baish.
Serà tanben distribuit per l’associacion d’Arts & d’Òc dins les collègis de la Hauta Garona: les escolans poiràn atau véser tota la modernitat e l’ambient de hèsta qu’es portat per la cultura occitana... Benlèu lor balharà idèas de las bonas...
Escota e Minja, en 2014, se debana deu 3 au 6 de julhet a l’Isla de Baish, vos i cau vénguer nombroses!
Olivèr Berard
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari