Farà 150 ans lo 4 d’octòbre de 1864 lo pòble d’Agen e del parçan apreniá la despartida del seu poèta Jacques Boé dit Jansemin (1798-1864) e li faguèt quauques jorns apuèi d’obséquias nacionalas agenesas.
 
A Lairac, una vilòta al ras d’Agen (10 km), i a dempuèi plan de temps una Plaça Jansemin.
 
Lo 4 d’octòbre de 2014 a 11 oras, lo cònsol Sénher Rémi Constans amb lo conselh municipal e l’associacion Agenés Tèrra Occitana seràn uroses d’aculhir los e las que vendràn assistir al desvelament d’una placa bilingüa en l’onor del Jansemin. Apuèi la ceremònia un aperitiu serà servit a la sala de prestigi de la comuna.
 
L’aprèsdinnar,  a15 oras, apuèi las festivitats dels 13, 14 e 15 de junh de 2014, L’associacion Agenés Tèrra Occitana convida tornarmai la populacion d’Agen e dels entorns per participar à l’omenatge solemne que li serà fèit sul seu clòt al Cementèri Galhard (es lo nom del cementèri d’Agen).
 
Conjuntament amb la Comuna d’Agen se farà un despaus de garba.
 
L’endoman 5 d’octòbre a 16 oras an Agen, a la Glèisa Sant Ilari, es organizat un concèrt de la companhiá Les Chants de Garonne  (Los Cants de Garona) del Sénher Jean-François Gardeil.
 
En collaboracion amb l’associacion Agenés Tèrra Occitana se jogarà Jasmin, le parfum retrouvé (Jansemin, lo perfum retrobat), compausat amb de melodias, de cançons, de còrs, de melodramas e de poèmas del Jansemin.
 
Las interpretacions dels poèmas en occitan seràn precedidas de las reviradas en francés.
 
Lo programa del concèrt es estat establit amb l’ajuda de las preciosas del Sénher Jacques Clouché, especialista de l’òbra del Jansemin.
 
L’entrada generala serà de 10 èuros
 
 
 
 
Geli Grande