Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Val d’Aran: Lo Seriòl que sonarà ena tresau edicion dera Mongetada

Era hèsta gastronomica, culturau e tradicionau aranesa se debanarà enguan en Bossòst e en Garòs deth 31 d’octobre ath 2 de noveme

Era tresau edicion der eveniment gastronic aranés nomenat era Mongetada que compdarà enguan damb fòrça mès activitats, en seguida deth succès des edicions precedentes. De soslinhar era velhada occitana de concèrts damb eth grop des Valades Lo Seriòl e eth grop aranés Sarabat. Ath delà, es activitats d’enguan seràn repartides en Garòs e en Bossòst, d’a on proven era varietat de mongeta metuda en aunor pendent aguest eveniment que se debane deth 31 d’octobre enquiath 2 de noveme.
 
Ath delà des concèrts, des repaishi, dera pedalada populara de BTT, deth concors de fòtos d’Instagram nomentat “InstaEraMongetada” e des mòstres de cultura tradicionau, eth clau der eveniment qu’ei eth Show Cooking en qué se poderà degustar es melhors plats requisti, qu’eth sòn ingredient basic e ei era mongeta. Es famosi codinèrs Carles Tejedor e Max Levy que seràn ar aunor, e que haràn es plats acompanhadi des melhors codinèrs deth Grèmi dera Ostalaria dera Val d’Aran.
 
Era Mongetada qu’ei ua proposicion originau e fòrça interessanta entara prumèra dimenjada de noveme. L’organize eth Grèmi dera Ostalaria dera Val d’Aran damb era tòca de recuperar e de promòir era varianta locau de mongeta, nomentada mongeta de Bossòst.
 
Mès informacion sus eramongetada.com.
 
 
 
 
FM
 
 
 
 


Vidèo: Petit reportatge dera prumèra edicion dera Mongetada sus Barcelona TV

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article