Bandièra01 capçalera  1180x150: Novestivada

Actualitats

Jordi Savall a refusat lo Prèmi Nacional de Musica espanhòl

Lo musician catalan espèra que son refús siá una estimulacion de la dignitat dels artistas

| Georges Seguin
Lo musician catalan Jordi Savall a refusat lo Prèmi Nacional de Musica 2014 que lo liura lo govèrn espanhòl. Dimècres passat, lo ministre espanhòl de la cultura, José Ignacio Wert, anoncièt que li concedissiá lo prèmi en la modalitat d’interpretacion, dotat amb 30 000 èuros. Savall i renóncia pel refús de la politica culturala del govèrn espanhòl e espèra que son refús siá una estimulacion de la dignitat dels artistas.
 
Lo musician mandèt al ministre una letra ont afirma: “Pòdi pas acceptar aquela disticion que ven de la man de la principala institucion de l’estat espanhòl, responsabla de la dramatica manca d’interès e de la grèva incompeténcia en la defensa e la promocion de l’art e de sos creators”.
 
Savall, qu’a mostrat mai d’un còp son sosten a l’actual procès d’independéncia de Catalonha, rendèt omenatge a Occitània dins son trabalh Lo reialme oblidat, un libre e 3 CD amb de cançons de poèmas e d’autres tèxtes de la Crosada Albigesa contra los catars. 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

andriu
4.

#3 defensar ? !… seriá pas mailèu : defendre ?

  • 0
  • 0
Pèire Venzac
3.

Vaqui una leiçon de clarvesença ; Jordi Savall es un musician catalan ,un artista que sap son influéncia dins lo mond . Alara defensar la libertat del pòble o cal far perque sèm totes d'aquel pòble uman !

  • 2
  • 0
antalya apraquital
2.

#1 I podèm apondre Sean Connery actor de cinémà plan coneigut per sas posicions independantistas

  • 5
  • 0
Franc BARDÒU
1.

E mai d'èsser un artista al trecim de son art, e aiçò amb una bèla umilitat, Jòrdi SAVALL nos dona aquí una remercabla leiçon de Paratge ! Onor a el e a Catalonha !

  • 10
  • 1

Escriu un comentari sus aqueste article