Bandièra01 capçalera  1180x150: Novestivada

Actualitats

crotz-tolosaCreated with Sketch.ProvençaProvençaUbaia

L'òme es un lop per l'òme?

Premier rescòntre transfrontalier de Barciloneta sus la predacion e lo lop lo 19 de junh 2012

| Tambako The Jaguar

Aquel rescòntre iniciat per l’associacion "Éleveurs et Montagnes" (elevaires e montanhas) e los "Indignés de l’Ubaye" (Indignats d'Ubaia) avia per objeitiu de discutre e sensibilisar dals dos caires de la frontiera sus los rapòrts entre lops e activitats umanas.


Dins lo capluec de l’Ubaia èran egalament venguts la "Fédération régionale ovine du sud-est", los "Jeunes agriculteurs", la "Fédération départementale ovine", las Chambras d'agricultura 04, 06 e 83, l’association "Alte Terre" (de Val Maira) e l’associacion "Pastori lombardi".
 
Atefeaires de feas e chabras notament e cerchaires an evocats lors experienças, los acips, los esmais e las perspectivas. Los eschambis dau debat menèron a demandar una melhor regulacion das populacions dau predator. Per far eissubliar en ren lor problematica, aquelos participants decidèron de crear una equipa de trabalh franco-italiana.

Lo meme jorn l'associacion per la proteccion dau ferrum (association pour la protection des animaux sauvages, Aspas) portava un planh derant la Commission europea còntre l'Estat francés. Perqué l’endeman dau segond torn das eleccions presidencialas, lo Govèrn Fillon firmava una nòva reglementacion qualificaia d’ancara mai permissiva en matèria de l’aneantiment dals lops.

Los lops son presents en Gavotina fins au Mercantor ont la populacion dals lops viu d’uveart coma d’estiu d’eschambarlon sus las Aups. Aquela bèstia que despareissèt dals païsatgis vei aüra sa populacion tornar crèisser dins un contexte de densificacion d’activitats umanas. Per ajuar a conóisser melhor los lops, un parc e un centre dau lop li es consagrat dins la valaa de Vesubiá a Saunt Martin de Vesubiá.
 
Aüra que totas las opinions se son exprimias, lo novèl Govèrn es esperat sus la question que tòcha las Aups mas atot las Pirenèus.
 
 
 
 
 
Laurenç Revèst

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article