Bandièra01 capçalera  1180x150: Novestivada

Actualitats

Accion en favor dels presonièrs bascos la nuèch del Cap d’An

An projectat un lasèr amb lo simbòl del raprochament dels presonièrs bascos sul relòtge de Madrid qu’es mai seguit pels mèdias a l’ora dels dotze còps de mièjanuèch

Per lo Cap d’An, las principalas televisions espanhòlas emeton los dotze còps de mièjanuèch d’un relòtge de Madrid que se tròba sus la plaça de la Puerta del Sol. Ongan, un grop de membres de la plataforma basca Elkartasun Keinuak (“de gèstes de solidaritat”), capitèt a projectar amb un lasèr sus la paret d’aquel relòtge lo simbòl per lo raprochament dels presonièrs bascos, que demanda que sián menats al Bascoat. E mai se lo simbòl foguèt plan visible fòrça temps, cap de presentaire mençonèt pas l’imatge que los telespectators vesián.
 
Amb aquela accion “desobesissenta e pacifica”, la còla d’Elkartasun Keinuak voliá denonciar “la violacion dels dreches que patisson los presonièrs bascos dins las presons dels estats espanhòl e francés”.
 
Ara an publicat sus YouTube un vidèo que mòstra los detalhs d’aquela accion.
 
Segon Elkartasun Keinuak, “la politica de dispersion solament punís e agrava lo patiment de las familhas e dels amics [dels presonièrs politics bascos]. E non es mens inquietanta la situacion dels presonièrs malauts, que pòdon accedir pas que dificilament a un tractament sanitari adaptat dins las condicions lamentablas que i subrevivon”.
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Tàrrega Igualada (PP. CC.)
2.

Que tohom sàpiga com actua l'estat espanyol. com uns...

  • 1
  • 0
Pirolet
1.

L'an que ven, cal botar un grand "ÒC" sus la Torifèla a ParIs!

  • 3
  • 0

Escriu un comentari sus aqueste article