Bandièra01 1180x150: Comuna de Tolosa

Actualitats

crotz-tolosaCreated with Sketch.AuvèrnheBorbonésLimanha Borbonesa

Vichèi: licenciada a causa de son estatut de Facebook

Planhiá que los professors de l’escòla ont trabalhava se trufavan dels escolans, e un anonim l’a denonciada

| Maria Elena
Un autre cas d’abús contra una persona en situacion precària dins l’ensenhament public. A Vichèi (Limanha Borbonesa) an licenciat una assistenta documentalista a causa de l’estatut de sa pagina Facebook, segon çò que rapòrta La Montagne.
 
La femna licenciada aviá dobèrt un debat sus Facebook en publicant dins son estatut: “Quant de professors dins l’educacion estatala son destrompats?”. Amb aquò, ela ensajava de dobrir un debat sus son Facebook, pr’amor que veniá d’escotar de comentaris desplasents de qualques professors que “se trufavan daus escolans, los tractavan de buccins [bulots]”, segon çò que declarèt, encara a La Montagne. “I aviá d’escolans dins la sala qu’o podián ausir, aquò passava la mesura”, çò apondèt.
 
Mas, ailàs, un de sos 3000 contactes Facebook senhalèt aquel prepaus dins un e-mail anonim que lo mandèt a l’escòla. Quaranta uèch oras puèi èra licenciada per fauta pesanta. “Sei estada maladreita, mas la sancion es regde tròp fòrta”, çò a plangut ela.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Mathieu Castel Marselha
12.

#11 Mistral prepausa "Biéu" coma ortografia.

  • 0
  • 0
Mathieu Castel Marselha
11.

Siáu tombat a l'azard dins Gelu sus lo mot "buòu" (escrich "biou dins lo tèxte originau) que traduse per "buccin". D'efiech, un "bulòt n'es probable lo diminutif.

  • 0
  • 0
Pascau
10.

#9 Lo corrièr anonim, segon La MOntagne, qu'èra meilèu entà denonciar los professors umiliants que tà denonciar la lançaira d'alèrta.
Qu'ei la principala qui a -tostemps segon La Montagne- decidit de reagir atau.
çò qui n'ei pas legau, si èi plan tot comprés.

  • 3
  • 0
Joan Claudi Puech menerba
9.

« Ges de pedagogia sens Erὸs » Platon ? Sai pus. De tot biais ges de pedagogia sens amor de la causa ensenhada e de l’ensenhat ( ὸ dau mens lo respèct). A ieu tanben, adolescent, meis orelhas n’avián reçauput d’aqueleis escὸrnas, puei lo temps a passat e me siáu avisat qu’aquelei « grandei personas » èran, elei tanben, dei bravei buccins ! ( An viscudas buccins e son mὸrtas buccins)
Dins lei país dau nὸrd leis ensenhaires son recrutats sus sa capacitat d’empatia ( entrevista amb un psi, fὸrt coeficient). Fai mai d’un setmana assajavi d’explicar a mon drὸlle que non, lei professors se trufavan pas d’elei … ! Compreni aquela dὸna. Avètz rason Madama, un professor a pas lo drech de se garçar deis escolans (davans elei !) Ges d’autoritat sensa respèct, a l’ora d’ara encara mai qu’avans). E vos an « virada » per aguer dich aquὸ ! Un anonim ! Supausi que tot aqueu beu monde èra au passa-carriera de la dimenjada passada ! Urosament es pas la majoritat dei professors.
A, autra causa, lo drech de reserva a bὸna esquina me sembla. Una masqueta de mai au balèti deis ipocritas.

  • 3
  • 0
Xesc Ciutat de Mallorca
8.

los que insultaven als alumnes no els agradet que parlàs contra els. Acò es corporativisme. Sol passar en altres professions.

  • 5
  • 0

Escriu un comentari sus aqueste article