Bandièra01 1180x150: País Invisible

Actualitats

crotz-tolosaCreated with Sketch.LengadòcLengadòc NautTolosan

Evalina Houlès en cauma de la fam en sosten a Dàvid Grosclaude

“Lo moment es vengut per mostrar als politics e tanben a la societat occitana que sèm determinats”

La ciutadana occitana Evalina Houlès, a anonciat aqueste dimècres a miègjorn que comença una cauma de la fam a l’Ostal de Region de Tolosa, en tot s’apondre a l’accion de Dàvid Grosclaude (vidèo). “Lo moment es vengut per mostrar als politics e tanben a la societat occitana que sèm determinats”, çò a dich la caumaira en tot esperar que i aja mai de mond a la jónher “perque cal mostrar que sèm nombroses los que partejam aquel vejaire sul mespretz”. De soslinhar que Grosclaude a passat un mes a preparar sa cauma de la fam, mas es probable que siá pas lo cas d’Houlès.
 
L’accion d’Evalina Houlès fa preveire qu’un movement de protèsta contra lo mesprètz es a espelir en Occitània.
 
Mentretant los sostens son arribats de pertot en Occitània e quitament de la Val d’Aran, ont Unitat d’Aran, Corròp per Aran e quitament lo Conselh General d’Aran an publicat de comunicats de sosten a Grosclaude.
 
 
Jornada de mobilizacions
 
Houlès a anonciat son accion dins l’encastre d’una jornada de mobilizacions que se debana dins Occitània tota en sosten a la cauma de la fam que lo conselhièr regional Dàvid Grosclaude ten dempuèi uèch jorns. Los elegits del Partit Occitan (PÒC) Guilhèm Latrubesse, Gustau Aliròl e Arvèi Guerrera an anonciat una accion simbolica de 24 oras de cauma de la fam davant los ostals de region a Tolosa, Clarmont-Ferrand e Marselha respectivament, e los sostens se multiplican. Al delà d’aquelas tres vilas, se son anonciats de junis e d’acamps de protèsta davant qualques vilas d’Occitània, dont a Aush davant la comuna e a Pau a la Plaça Reiau. E mai a l’ostal de region a Bordèu, ont Grosclaude mena a tèrme son accion.
 
 
Lista de recampaments
 
— Albi: 18h davant la prefectura
— Aush : tota la jornada davant la comuna, ponch de premsa a 12h
— Bordèu: tota la jornada davant lo conselh regional, amb concèrt de Manufacture Verbale a 11h30
— Clarmont Ferrand: tota la jornada davant lo conselh regional (mai d’informacions)
— Marselha: tota la jornada davant lo conselh regional, amb d’animacions a miègjorn (mai d’informacions)
— Narbona: 11h30 davant la prefectura
— Pau: 18h Plaça Reiau (mai d’informacions)
— Rodés: 18h davant la prefectura
— Tarba: entre 12h e 14h davant la prefectura
— Tolon: 18h davant la prefectura
— Tolosa: davant lo conselh regional, a partir de 12h (mai d’informacions)
— Vilanuèva d’Òlt: 9h30 davant l’Escòla Occitana d’Estiu (16 carrièra de Pujòls)
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Solelh
12.

Dòna Houlès, mercés per vòstre coratge!

  • 4
  • 0
Pirolet
11.

Cara Dòna Houlès,

Arribi tard per sosténer vòstra accion, mas pas per vos granmercejar ja que, de segur, çò qu'avètz fach es estada una brava ajuda pel sénher Grosclaude e per l'occitan.
Amb tot mon respecte e mon admiracion.

  • 5
  • 0
pep bru Barcelona
10.

sembla que tot ha acabat bé:

David Grosclaude: Qu'arrèsti la mea accion pr'amor qu'èi obtiengut çò que demandavi
Je cesse mon action puisque j'ai obtenu ce que je demandais

Que soi urós d'anonciar a tots los qui m'an sostienut desempuish ua setmana qu'an ganhat ua victòria. Lo document qui demandavi desempuih lo 27 de mai que m'ei arribat a 19h30.

  • 9
  • 0
Enric Barcelona - Catalunya (Unió Europea)
9.

El meu encoratjament a la vostra defensa de la identitat, la cultura i la llengua occitana. Una llengua és una visió del món, d'unes persones, d'una comunitat, i totes són igual de dignes i valuoses per al tresor comú de la humanitat.

  • 9
  • 0
Domergue Sumien Ais de Provença
8.

Òsca, sosten totau a Evalina Houlès!

  • 11
  • 1

Escriu un comentari sus aqueste article