Bandièra01 capçalera  1180x150: Novestivada

Actualitats

Se volètz investir dins una societat punk de bièrra?

La marca escocesa de cervesa artesanala BrewDog prepausa a sos clients de crompar de participacions

La societat independenta de bièrra escocessa BrewDog ganhèt en dos meses dètz milions d'èuros al Reialme Unit, gràcias a la venda participativa d'accions als aimadors de sas cervesas artesanalas. Ara vòl alargar lo succès de la campanha de microfinançament a tot lo continent europèu amb la proposicion Equity for Punks (De fonzes pròpris pels punks). La tòca: obténer trenta dos milions d'èuros de mai.
 
Lo que voldrà investir dins aquela braçariá creada en 2007 per dos amics punks escoceses, James Watt e Martin Dickie, pòt consultar lo prospèctus aprovat per l'autoritat financièra anglesa.
 
En uèch ans, BrewDog es venguda una de las societats de bièrra artesanala mai importantas de la planeta. Amb 365 salariats, expòrta a mièg centenat de païses e dispausa d'una trentena de bars pròpris dins qualques vilas de tot lo Mond. Per ara, pas cap encara en Occitània.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article