Bandièra01 capçalera  1180x150: Novestivada

Actualitats

Lo musician Claudi Bonafós se n’es anat

Èra membre fondador del grop Montanha Negra

Claudi Bonafós se n’es anat, s’es pas relevat d’un infart lo 12 de setembre. Es sortit de Vabre (Monts de la Cauna) d’ont teniá sa lenga rica e sa cultura umanista e universala claveladas al còr.
 
Musicaire de tria, i aviá pas qu’el per far restontir lo graile (aubòis dels Monts de la Cauna) coma aquò, èra tanben crane acordeonista e cantaire. Sa passion per la musica, la teniá de son amor per sa cultura, mas foguèt tanben enriquida d’influéncias italianas gràcias a son rescontre amb lo pifero, cosin del graile.
 
Membre fondador del grop Montanha Negra, èra investit dins mai d’un grop e associacion ont portava, en mai de sa musicalitat, son sorire etèrne, sa gentilesa e son umor occitan sens parièr. Se poiriá escriure un lexic de totes sos biaisses de dire chucoses.
 
Sèm totes ara orfanèls, Claudi ja te trapam de mens.
 
 
 
 
Joan-Miquèu Espinasse

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

ESPINASSE Joan-Miquèu
3.

Lo Claudi se pòt pas retrobar atau dins un comentàri ninòi qui opausa "ancians" e "modèrnes". Avèva ua lenga de casa mès ua cultura universala. La transmission e la pedagogia èran per eth primordialas. E èra pas jàmes tan urós que dab joens tà partajar e escambiar.

  • 2
  • 0
Lachaud Pierre
2.

La vielha generacion bilingua, que coneissia plan los contes e la musica tradicionala s'en vai e laissa la plaça a la generacion formatada per la matematica o ben la literatura francesa e plan culpabilisada.

  • 1
  • 4
Lachaud Pierre
1.

La vielha generacion bilingua, que coneissia plan los contes e la musica tradicionala s'en vai e laissa la plaça a la generacion formatada per la matematica o ben la literatura francesa e plan culpabilisada.

  • 3
  • 5

Escriu un comentari sus aqueste article