Bandièra01 capçalera  1180x150: Novestivada

Actualitats

Los independentistas castelhans vòlon lor “CUP”

Après RISE en Escòcia e Unitat Populara en Grècia, la CUP catalana e aranesa pòt aver una replica en Castelha

La Coordinacion d’Unitat Populara (CUP), qu’es un grop de l’esquèrra independentista dels Païses Catalans e d’Aran, e que nasquèt dins l’encastre del municipalisme, a agut fòrça resson dempuèi qu’es representada al Parlament de Catalonha, e quitament es venguda una referéncia per de movements internacionals d’esquèrra. En agost passat se presentèt en Escòcia lo movement RISE, que se reconeguèt inspirat a la CUP.
 
Qualque temps puèi, en seguida de la crisi de Syriza dins lo govèrn grèc, lo corrent critic d’aquela coalicion, la Plataforma d’Esquèrra, anoncièt que se presentariá a l’eleccion del 20 de setembre amb una candidatura diferenta del partit d’Alexis Tsipras. Un dels representants d’aquela nòva plataforma, Stathis Kouvelakis, professor dins lo King’s College de Londres, diguèt fa gaire qu’un de sos referents èra la CUP.
 
An seguit tanplan l’inspiracion de la CUP qualques movements secessionistas de l’estat espanhòl. Es lo cas de Comunidad Comunera, d’independentistas castelhans que revendican de crear una “CUP castelhana”. Aquel movement castelhanista, que promòu lo debat e l’activacion d’un espaci sobeiranista e anticapitalista en Castelha, s’es talament inspirat de la CUP qu’a fach quitament una crida per crear una CUP dins son país:
 
 

Por unas CUP castellanasEn Castilla también lo queremos decidir todo.Castilla Sí, Soberana.

Posted by Comunidad Comunera on divendres, 2 / octubre / 2015

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Matiàs carcassona
5.

#4 Bah òc-èi, quand los administrators del reialme francés inventèron Occitània (sul modèl d'Aquitània, crese) me remente aver legit endacòm qu'inventèron tanben Ouytanie per la França del Nòrd.
Trobi aquò plan risolièr, los franchimands que parlan la langue ouitane.
Enfin, s'i a de monde per bastir unas CUP en Occitània, ne serai amb plaser.

  • 2
  • 0
Ernèst Guevara Jr. L'Avana
4.

#2 Ouytanie… Requista concepcion. Mas la Ouytanie a ja un nom : France. Occitania, per ieu, non es França…

  • 1
  • 0
cupaire
3.

#2 Se l'imagini pas en Occitània, mens encara en Seine-et-Loire

  • 1
  • 0
Matiàs Carcà
2.

Imaginatz una Coordination d'unité Populaire que militariá per una Ouytanie sobeirana e anticapitalista?

  • 4
  • 0
Pirolet
1.

Es una bona nòva qu'en Castelha tanben de voses pas imperialistas se fagan ausir.

  • 5
  • 0

Escriu un comentari sus aqueste article