Actualitats
Barcelona: un maraton d’articles en occitan sus Wikipèdia
Se consagra a l’occitan la tresena edicion de la Nuèch del Mond Numeric de la Generalitat de Catalonha, en collaboracion amb lo CAÒC e Jornalet
Barcelona consagra uèi a l’occitan sa tresena edicion de la Nuèch del Mond Numeric. Se tracta d’una accion intensiva d’edicion de Wikipèdia que comptarà amb d’occitanistas, de wikipedistas, de professors e escolans d’occitan e tanben amb la preséncia de Joan-Francés Blanc, dinamizaire de la Wikipèdia occitana, e d’Aitor Carrera, director dels estudis occitans a l’Universitat de Lhèida.
L’eveniment es organizat per la Direccion Generala de la Politica Lingüistica (DGPL) del Departament de la Cultura, amb la collaboracion de l’Amicala Wikimèdia, e mai amb lo sosten del Comitat d’Afrairament Occitanocatalan (CAÒC) e de Jornalet.
Wikipèdia es una enciclopèdia liura qu’a lo sosten de la Fondacion Wikimèdia, una organizacion sens tòca lucrativa. L’edicion en catalan de Wikipèdia foguèt la segonda que se creèt, après l’anglesa, en 2001. Lo catalan ocupa la 17a posicion en nombre d’articles dins aquela enciclopèdia pr’amor que, dels mai de 38 milions d’articles escriches collaborativament pels usatgièrs de tot lo Mond, 480 982 son en catalan. A 212 014 usatgièrs enregistrats e 1 210 521 paginas totalas. D’un autre costat, l’occitan es una de las 288 lengas qu’an lor Wikipèdia pròpria, amb 88 707 articles.
L’edicion precedenta de la Nuèch, en 2014, aguèt una participacion d’85 wiquipedistas e permetèt de crear o de melhorar mai de 67 articles dins Wikipèdia.
Al total, lo wiquimaraton entraïnèt una contribucion de 74 976 octets a Wikipèdia.
L’eveniment es organizat per la Direccion Generala de la Politica Lingüistica (DGPL) del Departament de la Cultura, amb la collaboracion de l’Amicala Wikimèdia, e mai amb lo sosten del Comitat d’Afrairament Occitanocatalan (CAÒC) e de Jornalet.
Wikipèdia es una enciclopèdia liura qu’a lo sosten de la Fondacion Wikimèdia, una organizacion sens tòca lucrativa. L’edicion en catalan de Wikipèdia foguèt la segonda que se creèt, après l’anglesa, en 2001. Lo catalan ocupa la 17a posicion en nombre d’articles dins aquela enciclopèdia pr’amor que, dels mai de 38 milions d’articles escriches collaborativament pels usatgièrs de tot lo Mond, 480 982 son en catalan. A 212 014 usatgièrs enregistrats e 1 210 521 paginas totalas. D’un autre costat, l’occitan es una de las 288 lengas qu’an lor Wikipèdia pròpria, amb 88 707 articles.
L’edicion precedenta de la Nuèch, en 2014, aguèt una participacion d’85 wiquipedistas e permetèt de crear o de melhorar mai de 67 articles dins Wikipèdia.
Al total, lo wiquimaraton entraïnèt una contribucion de 74 976 octets a Wikipèdia.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ara que soi a prene l'avion per tornar en Arpitània... Me soi carrat a véser tot aquel monde far de trabalh sus la Wikipèdia. L'organizacion èra perfiècha, lo mond motivats, se parlèt occitan e un pauquet catalan. Una experiéncia de tornar far.
los articles son en lenga d'òc, gascon e catalan.
Wikipèdia occitana sembla patir d'un deficit d'imatge dins la wikipedia francesa ; es pas una suspresa. Escafan lo ligam interlenga, la palanca entre las doás enciclopedias, tan pauc que se pòsca remplaçar l'article occitan per son equivalent dins una autra lenga estrangièra ; quitament per los qu'atanhon la cultura occitana. La seleccion es pas ligada, aparentament, a la qualitat dels contenguts.
Ieu i coneissi pas res e espèri m'enganar, mas n'i a ben que se'n poirián inquietar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari